حلم فات

اعشقي بعضي وكلي اعشقي بعض الخيال
جددي عمري بوصلك واسترديني اسير
كبليني فؤادك حققي حلم الوصال
بالعمر فرصه تجيلك ما تعود لك تسير
العشق فيني وفيكي والوفا مني كمال
والهوى منك سعاده والعشق مني مثير
ارسميني في فضائك وأحلمي كثر الرمال
وان صحيتي خلي طرفك بالرمش يحكي ويشير
ان فهمتي يا حبيبه وش بقى باقي يقال
وإن نسيتيني امانه سوء حظي والمصير
ردي حلم فات وصله اشتكى درب المحال
بين طول الوقت مرة وبين دمعات الكسير
بين بعد الدار مره وبين شوفك والدلال
وما يزيد الحال ونه الا تجريج الضمير
ما اشوف اليوم غيرك يا بعد كل الجمال
يا ودادي ويا سهادي ويا عشق قلبي الكبير
يا حلو عطر النسايم والعشق فيها ينال
خدك الزاهي وقدك والهوى طفل غرير
والندى والعشب الأخضر والمطر والامتثال
وريحة انفاسك يشابه ريحها ورد وعبير
والليالي الماضية لي عاندتني بالسؤال
وذي عيوني صعبة تقدر تذخر الدمع الغزير
اصدقي حلمك تعالي لا تردين الظلال
لا تزيدين الملامه جرح حبك لي خطير
جابني لك يا حبيبه عشق ماضي لا يزال
عايش ما دام روحي هايمه بجوك تطير
محمد سلمان الفيفي