عواكيس 11/4/2008

@ اخوي معوكس يقولون ان النصراويين بلشوا بالكأس، مضيعين مفتاح الدولاب، خبرهم بالمفتاح أيام ماجد؟
- أبو حمد (حايل)
@@ حلوها أخذوا نسخة درويش سعيد
@ إلى متى ونحن نشاهد الجزارين وهم يبحثون عن أفضل المفاصل والغضاريف ليتم اصطيادها؟ أتمنى ان تكون شاهدت تعابير وجه اللاعب المصاب على شاشة التلفزيون..
- هويشل، الرياض
@@ هذي التحامات عادية
@ سلااام أبو العواكيس يقولون انك مغير شكلك عشان تغطي الإصابات إلى برأسك من نادي عرعر مباراة عرعر والمجمعة؟
- أحمد الشمري، عرعر
@@ ومن انبراشات بعض اللاعبين.
@ حبيب الملايين معوكس وش رأيك باللاعب الكبير (ناصر الجبرين) لاعب الفيصلي هل تؤيد ان يحترف..
- أخوك سليمان الفوزان، الغاط
@@ المشكلة إني أسمع فيك أكثر منه.
@ عكوس شكلك دلخ بس أدري انك تحب النصر وتموت فيهم وباين عليك انت وشواربك تقل رقم 8بسألك من متى وانت تربي شواربك.
- نصراوية شمرية
@@ من يوم اعتزل ماجد
@ الغالي معوكس ألف مليون مبروك البطولة إلى كل من يقول انه نصراوي موت عندي خبر ان ضغطك ارتفع زيادة بعد صافرة الحكم 360درجة لأنك دائماً متحامل على العالمي وشكراً..
- أخوك (علي الخيبري، الرياض)
@@ الظاهر انك صيدلي محترف في مستوصف أهلي
@ الأخ معوكس بصراحة شخصيتك بالكركتير كأنك (الأرنب الجائع) طبعاً وجهة نظر - سؤالي ما تفسيرك لفوز النصر على الهلال ههههه؟
- خالد الحربي، الرياض
@@ لو قلت لك وجهة نظري كان بتزعل
@ حط رسالتي محل صورتك.. بدون سلالم وعلى الماشي أباصل للجمهور يا بو شنبات بلا استهتار وتحدي يالاشي تراي شاعرة ولي مشجعات النصر اعوده وفريقنا ناشئ نترك ما مضى ونفكر بالآت هلالنا قوي طائرة أباتشي تدك المرمى وتحقق بطولات..
- أملاك
@@ طائرة وتدك المرمى شكلك أملاك آيلة للسقوط
@ إلى الغالي معوكس شكلك كذا بصراحة كانك شاعر نبطي ما كانك أخصائي رياضي سلام..
- محبك محمد المشيقح
@@ وعندي نية أشارك في برنامج شعري وأجيب المركز الخامس والا الرابع.
@ الأخ المحترم معوكس المشوكس سلام عليكم وعلي وعليهم وبعد: شف اولا تشوف وانا طالع من ميدان المعركة التي وقعت في حزيران من عام 29بين فريق أقوام بائدة وقومنا شاهدت جثثاً هامدة لجمهور الفريق الآخر.. وماذا حل بهم؟
- أخوك أبو زيد الهلالي الشماسي
@@ وانت وش كنت تنتظر هناك عسى ما شاركت يالزير.
@ أخ أبو العواكيس تعجبني سلام وبعد متى وكيف نوقف أفراحهم شفقة بهم بعد ان تحولت لأحزان وأتراح وصرع وليال بالوهم ملاح؟
- سلمان أبو زيد
@@ يقولون "شهريار" مصابة بزكام ونامت بدري وخلت السوالف
@ أولاً وش رأيك باللي صار "لرصاصتنا" ناجي الله يقومه بالسلامة وما تلاحظه ان تكر جفس بقوة هذا وهو داخل عالكورة سواله كسر مضاعف أجل لو داخل على رجله وش بيصير!!
- شبابية بجنون،
الرياض
@@ كان والله ما يلقون له علاج حتى في محلات "التشليح".
@ دكتور معوكس تحية طيبة وبعد تصدق انك طحت من عيني بعد ما طلعت ميولك الهلالية أشوى انك معوكس ما صرت حكم؟
- سطام خليف العقيلي،
الرياض
@@ الحكام خلهم مشغولين بطرق جديدة لاحتساب "البلنتيات" بطريقة غير "الوايرليس" والكوكب الآخر.
@ سيد أبو العواكيس
- ودي اسألك سؤال محير لماذا رئيس الهلال حط "نقره" من نقر الأمين العام
- بدر المنيف، (الرياض، حي القدس)
@@ بلاه شايف "البربسة" على أصولها وببيانات رسمية بعد.
@ صاحب الابتسامة الدائمة أخيراً حقق النصر بطولة يا سلام؟
- فيصل الخالد
@@ الخوف ان اللي بعدها بعد عشر عجاف.