ضميت الملامح

هلا بك والجفا.. سيف لمع شكل الكلام جروح
هلا - ما أمطر سلام وفاحت دلال السوالف هيل
هلا.. لو ما حكي صمتك وثار من الجوارح بوح
غلا يا أنتي.. وأنا ادري بك شموخ المرحلة والليل
قريتك يالرذاذ اللي.. رسم بك للطفولة روح
أهيجن.. والشعر صوت نثرته.. والمدامع سيل
شربتك والظما.. يروي شفاه المرحلة والنوح
ألم الليل وأتحري.. متى صمت الكلام يميل
ترفق بالشموخ اللي.. احبه لو جفاه يفوح
جمعتك ليلي البارح وضميت الملامح حيل
اشق الصمت.. وأسري بك وأساهر طيفك المملوح
اغني فيك وجداني.. معي.. وايا القمر وسهيل
كبرنا والزمن موحش.. وصحنا صوتنا مبحوح
بكينا والندم.. ينزف تعاسة حظنا والويل