من طول الغيبات جاب المصايب

فلاش

اتصل علي أحد المرشدين الطلابين في مدرسة ثانوية قال لي.. كنا نفتش بعض الطلاب قبل دخولهم قاعة الامتحان الأسبوع اللي فات وبالصدفة لقيت مع طالب "حبة كبتاجون" وخذ من الأعذار وبدأ يزبد ويرعد.. أنا كنت أذاكر بالاستراحة أنا ما أدري عنها هذي ما هي لي المهم سوينا محضر واتصلنا على أبوه لا والمشكلة الثانية يوم جاء أبوه تدرون وش قال: على طول ناظر لولده وقاله انت وينك لك أسبوع وحنا ندور عليك؟! وينك فيه؟ مالك بيت؟ مالك أهل؟
تصدق من الموقف صابنا احباط.. اللي الأبو ما يدري عن ولده وهو وقت اختبارات ومذاكرة.. وش اللي صار بعيالنا لازم نعرف وش سبب تغير سلوكهم هل هي التربية ولا مناهجنا ولا طريقة تدريسنا لهم.. ولازم أولياء الأمور يتابعون عيالهم أول بأول ويساعدون المدرسة بالمتابعة حتى لا يطيح الفاس بالراس ويصيرون بكرة لا قدر الله ضحايا مخدرات ولا غيره.. وياالله سترك.
الأبرق