سراج نوره وسّع الصدر لا ضاق من تحت شِرفه والمناظر جميله

مِنْ ذلك الفانوس شفنا الأوايل
في حقول العلم تنهض وتبنيه
فيما مضى له دور بالليل هايل
واليوم للذكرى البعض يحتفظ فيه
وعهدٍ نعيش اليوم ماله مثايل
ولدوره الماضي نجلّه ونغليه
سعود عائش الحربي - جدة
تراثنا الماضي عزيزٍ وغالي
هذا السراج اللي ينوّر فتيله
نفرح بشوفه من قديمٍ وتالي
في منزل أهل والوفا والجزيله
سالم الدوسري - الرياض
بيتٍ له الذكرى عظيمه ونشتاق
لاجداد راحوا من سنينٍ طويله
عاشوا على مر الليالي والارماق
بنوا صروح المجد رمز الاصيله
سراج نوره وسّع الصدر لاضاق
من تحت شِرفه والمناظر جميله
تبينت في الواجهه نور الاشراق
تراث مجدد في صروحٍ أصيله
حمد عبدالله الوايلي - حوطة سدير
تراثنا يا ناس ما له بدايل
حقيقةٍ تعرف ولاهي خفيّه
سراج ما ينسى ولاهو بزايل
نوره يشع النور صبح وعشيّه
سعد السالم - الطائف
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق