كتب بيت الأسبوع الماضي الشاعر عبدالعزيز الصقيري والذي يقول: التكتك ألهانا وبعض المشاهير وتويتر الماخوذ وسناب شاتك وقد كان الصدى من الشعراء: استغرب اللي كل وقته مخاسير لاتصير مثله ثم تدمر حياتك يلهونك عن اشياء كثيرة وتدمير وتصير مدمن شات ومسلسلاتك والوصل بارحامك يجي فيه تقصير ويقل ترتيل الكتاب وصلاتك خالد المرشود - الرياض مسكين تركض للمشاهير تصوير وماحد درى بك او يهمه حياتك وضيعت وقتك يا قليل التباصير حتى غطست في وحل مغرياتك وش عاد لو تابعت سر ومجاهير ما تستفيد الا ضياع امنياتك حاتم عبدالله الشاهر - الرياض اهْدار وقتك يافتى يعرقل السير اسْتثمره في ما يفِيد في حياتك ومشاهد الجوال خلَّك بِه ابصِير لَا لا يِمِس اِبْواجِبك مِع صلاتك وسناب والتوك توك رويتر مِع كثِير خلك حريصٍ لا تِغَيِّر ثِباتَك سعود عائش الحربي - جدة نمشي ورا الموضة ونحرص على الخير واهم شي في حياتك صلاتك نعمة من المعبود وال المقادير اللي بدين الله والارشاد جاتك وعن اللهو ياصاح خل منهجك غير ما دمت حي قبل حزة مماتك صالح البشري - الفويلق ضعفت قيم عيني وعينك مجاهير العولمه جت والتطور شفاتك صارت عيون الناس دايم مساهير وضعفت حقوق الفرض كله هشاتك وشدو شداد الحق ياهل المضاهير واستخدموها في مدارك شتاتك والقادم اللي جاي يا صاحبي غير بتشوف شي مايجي في صفاتك حمد عبدالله الوايلي - حوطة سدير الفكر بعض احيان يحتاج تطوير وعن الكلام الشين يكفي سكاتك اخذ الكلام الصدق بحلا التعابير ياللي تدور راحتك في حياتك ماظني فيها يالسنافي ترى خير لاصارت تصدك وتخر صلاتك عبدالله بن عبود السهلي - الجبيله بيت الأسبوع كتبه للصفحة الشاعر رجا بن عادي ويقول: الطيب وهبه مهو تدريس وكل يعوّد على طبعه نستقبل صدى هذا البيت خلال أربعة أيام من نشر البيت على إيميل الصفحة: [email protected]
