كتب بيت الأسبوع الماضي الشاعر نواف هايف الجبرين والذي يقول: ماهو ضروري كل شخص تداريه من لا يعدك شي لاتحسبه شي وكان صدى البيت من الشعراء: من شاف نفسه من البشر لا تماشيه ماوقفت الدنيا على كائنٍ حي مغرور والمغرور محدٍ يدانيه غير اعتقاده ما يشاهد ولا شيء عزز مقامك للنذل لا توطيه سمعتك افضل منه وش منه ترجي ما للكبر في سيرة الدين توجيه عليك باللي مالك الطيب حصري سعود بن عبدالعزيز الهزاع- نعام من باعكم ماهو لزوم تشريه ومن لايودك ذلفته عيد ياخي قله بامان الله والايام ترضيه البعد راحه لاتجازيه بالسي ولا تذكره بالسو لا حل طاريه تكبر بعين الكل في داخل الحي دنياك ما تسوا تجيب المشاريه ولاتسوي تمشي له ورا العايل العي والصمت حكمة ياولد و خير تجنيه فضل من المعبود والدايم الحي صالح البشري - الرياض وبعض البشر ماينفعه لو تباريه فيه الكبر والغطرسه حالها غي ولايحترم شخص مؤدب وشاريه عساه في دنياه يبلش وهو حي وذكره يموت ويقطع الله طاريه عليك بلي يسعدك سمعته ضي رجل على الأخلاق وسمحه مواريه والاالردي خله عسى فاله الكي حمد عبدالله الوايلي - حوطة سدير ماهو لزُومٍ مِجْمل الناس تِرْضِيه ومِن العَدَاله تَجْزي الكَيْ بالكَي ومِن عامَلك بالطِّيب بالطيب إجْزِيه ومِن لا احترم خوتك لا تزْهَمِه خَي خَصٍّ ليا منَحْتِه الوقت تبْغِيه يتعْدل ف اطوي علَاقَتْك بِه طَي سعود عائش الحربي - جده الوقت يانواف بانت مواريه والرابح اللي ساتر الحال ياخي ورجل يشوف الناس بالكبر والتيه كلن يشوفه نملة يابعد حي ومن زفه الشيطان للشر يدعيه يلقى النتيجه ياهل العرف في غي صالح المرشود - الرياض بيت الاسبوع كتب بيت هذا الاسبوع الشاعر عبدالعزيز الصقيري يقول: التكتك ألهانا وبعض المشاهير وتويتر الماخوذ وسناب شاتك نستقبل صدى هذا البيت خلال اربعة أيام من نشر البيت على إيميل الصفحة: [email protected]