لولا البخيل ان كان مابان ضده

يالله عسى كل الكريمين تجار
من حدّ واره شرق الى سيف جده
يالله عساك تعز شبّابة النار
حيث انهم يزكون في كل شده
وادري بعضهم مثل من يكهف الحار
انفوسهم مهما حصل مستجده
دايم على الدنيا قويين الاخيار
الجود حزّازه على الكبد حده
يصبر عليه اللي كما الحيد صبار
احب انا الطيب وقلبيي يوده
قريب ولا من بعيدين الاقطار
وعسى الردي بالبينه والمصده
يفدا الكريم اللي كم الغيث مدرار
ترى الكرم درب السعد هو مرده
يندم ردي العلم والسلم والكار
ومن خلقت الدنيا على طول مده
مايندم الطيب على فتحة الدار
هيضني اللي تنتف الزاد يده
كنه ينسر طير بالدعو صقار
يطعم وزن قيراط ويكف مده
ينزع بركة الله عدد كل قنطار
اظنها طبع"ن" وعرق"ن" وغده
يالله تجنبنا البلا وين ماصار