«شجرة وفاء»

تباشرو يااهل الشمال المناعير
لاراح ليثٍ جالنا ليثٍ زيّه
شجرة وفاء تنبت على العز والخير
في هدي شرع الله وسيرة نبيه
يامرحبا ياأمير ماغرد الطير
ترحيبةٍ يوحى ويسمع دويه
يامرحبا ترحيبةٍ طابعه غير
ماتنحصى بحروفها الابجديه
يامرحبا باسم الجموع الغوافير
بأرض الشمال اللي لها قابليه
ياولد من قاد الحشود الطوابير
قاد الجيوش ووجهه المدفعيه
بالحق مشى مدرعات الجنازير
دون الوطن والجار ياحي حيه
والجد قبله صفقو ياجماهير
لوهو بقبره يستحق التحيه
كف الندى اللي مقترن باسمه الخير
سلطان جعله فالجنان العليه
أبرز اسم باسماء الملوك المشاهير
من مدته خلا الفقارى غنيه
واليوم عيد وجيتك عيد ياأمير
يا،، مرحبا ماغنت الراعبيه
وختامها منا معزه وتقدير
أرياح طيب ودلةٍ شاذليه
وحنا جنود الدار من دون تأخير
برقابنا بيعه ولاء وحميه
* الحدود الشمالية لينه