افرح بشوفك

مزهر الشهري
زدني عذابات يامن حل تعذيبي
تراك مقدي وقلبي منك يستاهل
خذني معك وين ماحبيت تغديبي
القلب يمشي معك والروح ياجادل
الحب ينتابني والشوق يمشيبي
اسابق الريح لعيونك واجي عاجل
العهد لك بالوفا كله مع طيبي
وابشرك يالحبيب العشق لك باسل
اهواك واغليك ياحبي وتطريبي
ماشوف بالكون مثلك ياقمر نازل
بالليل نورك ينورني ويسريبي
لا بحر يوقف هواجيسي ولاساحل
لاشفتك اقرا تحياتي وترحيبي
افرح بشوفك وليلي باللقا حافل
خذني ولاني بسايل وين تمضيبي
ياكامل الوصف يامن بالحلا كامل
مافيك شكي يراودني ولاريبي
بالعشق واصل ودايم بالوفا واصل
حلفت ما يلحقك لومي وتثريبي
ما دمت تحكم وحكمك شايفه عادل