يا خادم البيتين

يا فكري الصافي ابي منك الجديد
ابيات من صافي خيالي صغتها
وابغى البيوت يكون وقعه كالحديد
حتى العمى يقول والله شفتها
بنجدد البيعه مع العلم الوكيد
بالسمع والطاعه بيوتي حفتها
لخادم البيتين والصرح المشيد
ببوي سلمان الحزم رتبتها
تفداه روحي من الوريد الى الوريد
اللي مسيرة من سبق واصلتها
المُلك يبغى العادل الوافي الشديد
وانت الخصايل كلها جمعتها
ياخادم البيتين يزهاك القصيد
ياللي بظرف ايام حرب اعددتها
ياراعي الراي المحنك والسديد
كل العرب تهتف بحربٍ خضتها
حنا لها من دون ماترسل بريد
في نظرتك بعض الجيوش ابدتها
ملك شجاع يسوّي اللي هو يريد
اما النصر والا الشهاده قلتها
من بندر العصري ولاءٍ مايحيد
لال السعود ابيات شعري جبتها
بندر عصري القماصي