شالو على جْمالٍ وسعِات الأزوار

صور شاعرية

يامل قلبٍ بين الأضلاع محتار
صفق به الهاجوس وَخْلَف نويّه
حيرة غريبِ ضايعه فيه الأفكار
حادِيته الفرجه ودارِه خليّه
والبدو قافيهم محيلٍ ومحدار
والعفش موحل والرحايل رِديّه
وشالو على جْمالٍ وسعِات الأزوار
بعد كمّل المكرباع عِشب الرّكيّه
شافوا لهم برقٍ من الصيف جرّار
يبرق من الحبلا إلى العرفجيه
مدري يبون من القريّات ويْسار
وإلا يبون الحزم ورا طِميّه
وكثرت مناجيهم وكثرت الأشوار
يوم أصبحوا كلٍ يناجي خويّه
شعر : منور الهذيمري المخلفي-رحمه الله