أحلى الحكايا

وانتي اول من سكن في القلب من خلف الحنايا
وانتي اول من يعرف اني على نزف المدامع
وانتي اول من عرفته بين ترفات الصبايا
كنت امنيك بوعودي حين اشوف الليل خامع
واحتضن همس الوعود بمسمعي واحلى الحكايا
واحلف ان للصبح طله واحلف ان الصبح جامع
والنوايا طلة الاصباح تعطيك النوايا
بس كلمة يا وجودي ما تعرضها مطامع
يوم طالت خمعة الليل المطرز بالمنايا
والصباح الفايجرجر خيبته فرحان طامع
ما لقى من سالفتنا البارحة فيني بقايا
من يقول يفيد حول الجيد تعليق الجوامع
ومن يقول الليل صادق بالوعود وبالعطايا
بعض الاشكال يتصور هيكله في الكون لامع
ويتخيل بعض الاوقات انه اعظم هالبرايا
والا انا لا جبت مضمون الحقيقة قلت رامع
والبدو يدرون بالنية على خشوم المطايا
صدقيني حبك المجنون في الخفاق شامع
ما يشيله من سويدا القلب زلات وخطايا
لو ابين لك جفا واقطع مسارات التجامع
واتظاهر لك غرور اطباع وحروفي عرايا
يشهد الله انتي اخر من طرق باب المسامع
وانتي اخر من غدى بالقلب من بين الحنايا
وانتي اخر قصة الحب وسحابات المدامع
وانتي اخر من عشقته بين ترفات الصبايا
ماضي العظيمان