حنين وطبيب القلب

مع خالص الدعاء وجزيل الشكر إلى سيدي صاحب السمو الملكي الأمير/ عبدالله بن عبدالعزيز -حفظه الله ورعاه-، وإلى طبيب قلب الأطفال د. منصور المطيري، وإلى صديقتي الغالية نادية، وإلى كل من وقف معي في علاج ابنتي (حنين)، والحمد لله أولاً وأخيراً.
أنا احمد ربي الشافي المعافي
على ما قدّر وخيره كثيري
بنا يلطف ولطف الله خافي
رحيم بالصغير وبالكبيري
عليم بكل مابي من خوافي
سميع لمن دعاه وبه بصيري
دعيته في خشوع وقلب صافي
بجوف الليل أصلي واستخيري
وجنبي للفراش شهور جافي
أسميه الفراش وهو حصيري
لذيذ النوم جفني له يعافي
ودمع العين جرح لي نظيري
(حنين) بنيتي تحت اللحافي
تونّ وقلبها أمره خطيري
وضاقت فيني دروب المشافي
وشاقت دنيتي والله خبيري
واجاب الله دعا اللي منه خافي
عليه اتوكل ونقي الضميري
وسخر في دروبي كل وافي
ويسركل مطلوب عسيري
وأولهم (أبو متعب) وكافي
(أبو متعب) ملاذ المستجيري
هطل مثل المطر عقب الجفافي
أمر له بالعلاج وبالسريري
وهبت لي (نداوي) ودوم تافي
ولولا جهدها ما طار طيري
ولا انسى وقفة الشهم السنافي
طبيب القلب (منصور المطيري)
دعيت الله لهم وسط المطافي
عدد ما ينبت ويمشي ويطيري
شفاها الله وربي خير شافي
عساه بكل حالات نصيري
وادام الله على المرضى العوافي
وكان بعون من به يستجيري