الدار الأرواح العزيزة فداها

باسم الكريم اللي عباده ترجّاه
ربٍ رفع سبعٍ وسبعٍ طحاها
سلام يا هل الطيب والجود والجاه
وترحيبةٍ ريح الخزامى شذاها
نفي من الفرحه يهلّي بمن جاه
وبزيارة الربع الكرام يتباها
نفي بعالي نجد ما فيه حلياه
فيه التطور يلفت الإنتباها
بجهود أبو ماجد لقاما تمناه
شيخٍ من شيوخٍ يذري ذراها
بالله ثم فضل الفهد لا عدمناه
حضارة في مملكتنا ثراها
ونعيش في ظل أبو فيصل وبحماه
وحدودنا عن كل طامع حماها
وإخوانه اللي فعلهم ما جحدناه
لهم عهودٍ ما تقطع عراها
وحنا جنود لابو فيصل ونفداه
والدار الأروح العزيزه فداها
الخير عم وساد الأمن وعطيناه
عهد وثيق لسمع الأعدى تناها
وإلا السفيه اللي بلندن معاعاه
اللي كذب كذبه وصدق صداها
قولوا له إنا ما نصدق حكاياه
ولا في ولانا شك وإلا اشتباها
الدين يالكذاب وين أنت وياه
يا محالف أعدى الدين تابع خطاها
الدين حنا أهله وحنا خدمناه
وأفعالنا للدين ما حدٍ نساها
الله يحاسب كل ظالم ويجزاه
ويهز دار بفضل خيره عطاها
رخا وأمان وأمن والدين ترعاه
والرايه الخضرا تظل بعلاها
وصلاه ربي عد نوٍ نثر ماه
مين.. على خير النبيين طاها