في رثا الفقيد نايف بن منيف البدراني رحمه الله

عساه في جنة الخلد

يالله يامنزل تبارك والانفال
يا واحد كل الملاء مرتجينه
يامن سجدنا له تعاظيم وإجلال
ولاخاب من هو دايم يستعينه
ترحم لنا عود ضربوا عنه الأمثال
بالدين لاجاء اللي يوصي جنينه
تنجيه من قبر يجي فيه الأهوال
وانك على التثبيت ربي تعينه
أنا أشهد إنه ما سعى لجمع الأموال
ترك تبوك مهاجر للمدينه
مثل السحابه يمطر الخير همال
للربع والجيران ومعاشرينه
مالي اعتراض في تقاديم الأجال
هذا طريق كلنا سالكينه
يالله عساه بجنة الخلد نزال
قولوا معي آمين ياسامعينه
من فضل ربي عقب عيال ارجال
اخوي ابو بندر يقود السفينه
حطوه مجاور للصحابه والابطال
وسط البقيع يسار مدري يمينه
وصلاة ربي عد ماصب فنجال
واعداد من فتح ويرمش بعينه
على نبي دوم للحق ميال
صلو على المختار ياتابعينه
محمد بن شمروخ بن جغيثم البدراني