سلام يامير لمسنا جهوده

يتقدم عبدالهادي معزي العنزي وأولاده
بخالص التهاني وأجمل التبريكات
لصاحب السمو الملكي الأمير مشعل بن سعود بن عبدالعزيز
أمير منطقة نجران
بمناسبة صدور الأمر السامي الكريم
بالتمديد لسموه 4 سنوات أميراً لمنطقة نجران
سلام يامير لمسنا جهوده
ونجران ثالث عيدها هي وأهلها
ساعة سمعنا بالخبر من وفوده
تمديد للي عزها ما خجلها
يسعد مساه بريح هيلٍ وعوده
اللي له طروق التماثيل ولها
ودياناها وأرض السهل مع نفوده
ماحده الشاطي لقمة جبلها
يدعون لابن سعود الله يزوده
مشعل اللي بالعطف كفه شملها
نجران صار اليوم باحلى عهوده
ومشى الأمور الواجبه في مهلها
دايم على الطولات يرقى سنوده
وعز الموالي والاعادي هبلها
وثقة ملكنا الغالية مع عضوده
مشعل سليل المجد قام وحملها
وحل الأمور المعضله ما يكوده
وكل الجميع أخوان لا معزلها
والطيب مشعل واردن في عدوده
منازل الأجداد مشعل نزلها
أبو اليتيم ليا فقد من يروده
يمسح دموعه والمعيشه كفلها
يوم أن أبو فيصل رفع زنوده
بأمرٍ من الله والمساعي بذلها
ماصك بابه دون ناس تروده
وكلامه أحلى من لبن دربّلها
هداج تيماء لو تزايد وروده
كثر الدلي الوارده ما سألها
من جاء بظله بينتله سعوده
ويلقى المعزة ثم يرغب ويلها
قبلي انا التاريخ أول شهوده
بفعايله جديدها مع سملها
ماحنى راسه غير ساعة سجوده
بخمس الفروض وركعةٍ في نفلها
مثلك ترى عز الوطن في وجوده
خدمة شرف قول الرياء مادخلها
أمانةٍ عندك وفيك معهوده
وكل الرجال المخلصة في عملها
من هزه الشيطان نصفع خدوده
وصديقنا نعطيه صافي عسلها
ولا همنا خبلٍ تبين جحوده
نمشي بأمر حكامها ونحقلها
في ظل أبو فيصل وحنا جنوده
وقلوبنا ما تشتكي من مللها
يا الله عسى عيدك يعود وتعوده
خادمك سجل كلمته وارتجلها
حب المعزب وارثه من جدوده
ودار نموت ولا ندور بدلها
الشاعر/ علي بن قيقان الدعيجي العنزي