يا غدير الخير وازهر لليتاما والضعوف

مهداة إلى مقام سيدي صاحب السمو الملكي
الأمير الوليد بن طلال بن عبدالعزيز
حفظه الله ورعاه
شاقني مدح الرجال اللي قليل من الرجال
والمدايح ما توفي لا ولا تجزي وصوف
الأمير اللي عدوده يوم عدينا قلال
ما لقينا يوم جينا نكتبه أية حروف
الوليد اللي تنضب في عيون المستحال
واستحال الطيب عقبه واعتزل من ما يشوف
وش يشوف الابياض ترجمانه من خلال:
شمس تشرق والغريبه شمس مغربها كفوف
صدقوني شفت حاتم مير ما هو باحتمال!!
الاكيد اني رأيته دون رعب ودون خوف
وشفت واحد قال من هو حاتم اللي ما يطال؟
قل عليه حاتميني قل ثلاثة قل ألوف
قلت أنا اشهد فيك لكن فيه محضر للجدال
مانت حاتم يا اميري.. انت بو حاتم وعوف
يا بو خالد لا عدمتك أنت شي ما يقال
ما يلام اللي يحبك يوم حبك به يلوف
يشهد الله ما تركت من الخصايل من خصال
لين شفت الناس تاقف عند بيبانك صفوف
كلهم من حول دارك طالبين الله سؤال
ناشدوه يديم عزك بالحناجر والدفوف
رددوا فيك القصايد وابتهالات الجمال
لين صارت صورتك في كل بيت بالرفوف
الله اللي زان ذكرك وان بغيت اكبر مثال
بالشمال وبالجنوب ووسط نجد وبالهفوف
وانت حلال العقايد وانت حلال العضال
واسمك النار العرينه بالعلم يا شوف شوف
وانت يا لتاج المسطر فوق راس الحيل حال
يا غدير الخير وازهر لليتاما والضعوف
يا سليل المجد وجدي يوم اشوفك عال عال
جارك الله يا وجيرٍ من مغبات الظروف
والله انك نعم جد ونعم عم ونعم خال
وان بلغتك مابلغتك وانت من عيني تنوف
فالك ابلغ من كلامي جد ولا ً من خيال
حاجه ابداً ما تفسر بالسوالف والحلوف
لك مكانه واتكانه بك تحرّر واحتلال
بك وقار وبك تواضع بك سواطع وامعروف
بك علامه بك شهامه واستقامه واعتدال
بك شويّه من كثيرك بك كثيرك من عزوف
يشهد الله لو كتبت الشعر كله لا يزال
ما يوقيلك محب مات من كثر الحتوف
طال عمرك يا اميري يالعظيم من الرجال
والعذر منك السموحه يوم اقصر بالوصوف
مقدمه