شعراء الهلال يشاركون فريقهم الفرحة

لكل إنسان طريقة في التعبير عن فرحته.. وهاهم شعراء الهلال يشاركون فريقهم الفرحة من خلال هذه القصائد الشعرية التي عبروا من خلالها بإشادتهم بما قدمه وحققه نجوم الزعيم.
هذا الهلال اللي تسولف به الناس
أهدي هذه القصيدة لجماهير الزعيم بمناسبة فوزه بكأس سيدي ولي العهد متمنياً للجميع التوفيق.
فاز الزعيم وعادته يرفع الكأس
كأس أبو متعب جابها في مقره
هذا الهلال اللي تسولف به الناس
في الأرض ولا في السماء له مجره
هذا ممثل للوطن يرفع الرأس
ما جاب في قلوب الجماهير حره
بالله يا جمهور من كل الأجناس
ويش الفريق اللي يجيب المسرة
من غير الأزرق يودع الخصم ينحاس
هجمة وتسديدة وكره وفره
هذا الزعيم وله محبة من إحساس
ومن حق الأزرق للحبيب يتشره
الكأس في الدولاب واللعب لا بأس
ولا تسلم الجره على كل مره
جبنا الذهب كله ولا نترك الماس
عاداتنا راع التحدي نضره
وراع الزعامة مجلسه عز مجلاس
وراع الحسد يكفيكم الله شره
ومبروك يا أمير الوفاء طيب الساس
ابن مساعد كل شخص يسره
وأهدي مؤسسنا تهاني بلا قياس
شيخ الهلاليين لله دره
ومبروك للجهور من قلب وأنفاس
وأفراحنا بهلالنا مستمرة
واليوم يا هلال الوطن خذت مرواس
ما فيه كأس إلا تجيه وتمره
شاعر الزعيم/ ناصر شافي البقمي
***
هذا الزعيم
هذا الزعيم اللي يسوي الهوايل
اللي يولع في خصومه وقيده
هذا الهلال اللي عليه الصمايل
لامن بغيت العز شفلك وليده
زعيم لعناق الذهب دوم طايل
حتى المنصه منه دايم سعيده
يحرص على التتويج ما له مثايل
ويجمع الكيسان يا لله تزيده
هذا الفريق اللي للامجاد نايل
هذا فريقاً صار حالة فريده
يا حظ من يهتف لزرق الفنايل
لا صار حبه ماشياً في وريده
اللون الأزرق هو دواء للعلايل
والأبيض يداوي جروحا اكيده
جمهوركم ما بين جده وحايل
عشاق فنك واصلين الجديده
ومن الكويت الين قرية محايل
ومن المدينه لين تاصل عبيده
كلن يغني يا هلال الاصايل
كلن يقول الموج منهو ضديده
والكابتن اللي دوم للكاس شايل
اصبح طبيعي شوفت الكاس بيده
ما هي غريبه لعبكم كل فايل
اصبحت دكتور النوادي العنيده
انت الزعيم اللي توفي الجمايل
وانت الذي منك البلد مستفيده
جمهورك لحبك يسوي الهوايل
وانا لحبك كاتباً هالقصيده
شعر/ علي البيشي
***
يا عرين المجد
يا عرين المجد يا نادي الهلال
يا زعيم صدق لاقالوا زعيم
انت صرح شامخ مالك مثال
أنت باني بالفخر عزاً قديم
انت فخراً للبطولات الطوال
انت بين الأندية نادي عظيم
انت عز للبلد في كل حال
انت نوماس المنصة
يا عديم
انت لا جاء للذهب ذكر ومجال
يذكرونك للذهب أوفاء نديم
انت نادي مسكنك فوق الخيال
لونك الأزرق مكانه بالصميم
انت لا جاء للمهارات ارتجال
بك نجوماً تسطع بليل عتيم
حازوا لإعجاب بأهداف ثقال
ما دخل من بينهم أحداً غشيم
عبروا بالروح أروع ما يقال
من وفاء الطالب لأستاذ فهيم
أشهد إنك في حمى نعم الرجال
كلهم في خدمتك رجل كريم
مرخصين لرفعتك كل الحلال
مطلقين الروح في حبك تهيم
الاسم ما جاء غلط انت الهلال
واللقب ما جاء غلط انت الزعيم
شاعر الهلال