جاء فوز الهلال بكأس المؤسس مثيرا كما الهلال فتفاعل معه الشعراء بقصائدهم التي عبروا من خلالها بسعدهم وفخرهم بالبطولة الجديدة. *** تاريخ ما توفيه كل العبارات جو ينشدوني ليه ماتنتهي!! ليه من عشق الازرق وش تبي بالمتاهات قالو علامك,, حيل متولع فيه قلت الغلا من عند رب السماوات قالو علامك,, بالتباهي تناديه قلت انشدو عنه الفخر والمنصات قالو علامك,, بالزعامة تسميه قلت انشدو عنه الذهب والبطولات قالو علامك,, كل يوم تغنيه قلت الغناوي فيه تطرب لها الذات قالو ورى ماتستريح,, وتخليه قلت اتركه من سابع المستحيلات قالو وقالو,, قلت ابغليه ابغليه ما اسمع حكاويكم ولوراحت وجات الموج الازرق يرفع المجد طاريه تاريخ ماتوفيه كل العبارات محمد يوسف الجبر *** عز البطولات شالها كاس المؤسس لها الزعيم بالروح واللعب والتنظيم هو منبع الفن والتعليم وجمهور الازرق دايم معاه بنجوم الازرق ورجالها عز البطولات شالها هو ما لها إلا إهلالها وجمهور الأزرق يهتف وراه جمهور الأزرق ما له مثيل كأس المؤسس أكبر دليل غير البطولة ما له بديل ونجوم الأزرق حقق مناه تاج الزعامة عزز بها كأس البطولة توج بها هذا التميز عود بها جمهور الأزرق ربي عطاه دور الإدارة ماهو غريب واعضاء شرفنا دايم مجيب لا صار لازم كلن قريب من هالترابط ماحد قواه سليمان يوسف العيسى عنيزة *** الهلال أسعدني إنه لايسعني إلا ان ابارك عبر هذه الجريدة الغراء لكل هلالي وعلى رأسهم شيخ الرياضيين عبد الرحمن بن سعيد وسمو الأمير بندر بن محمد رئيس نادي الهلال على هذه البطولة الغالية ويسعدني ان اشارك واعبر عن فرحتي بهذه الابيات المتواضعة واتمنى ان تنال اعجابكم برغم انني امر بظروف صعبة إلا ان فوز الهلال اسعدني: رفرفي يا الراية الزرقاء اليوم عيد واهتفي ياجماهير عاش الهلال غطرفي يابنت وأرمي الورد بتغريد وافرحي ها الليلة ترا الفرحة حلال وسطري ياصحافة مجدٍ جديد عاشقك يامجد في ملعبك صال وجال أزرق هلالي لعبه نادر فريد فنون وانجازات تبقى على مر الأجيال مايترك الكاس لا عنها مايحيد لبّاها يوم نادته يابطل تعال ماجابها فارس ولا قلعة أو عميد زعيم القرن بطل ولا كل الابطال كل يوم حبه عن يوم يزيد والفرح مني تمكن لو همي جلال علي بن عبد الرحمن بن علي عاشق الهلال *** الريح زرقا الريح زرقا والورق كل الالوان تحرق وتعصف للمدى اللي تريده أوراق صفرا باهتة دون برهان واوراق حمرا شارداتٍ بعيدة افراح بيضا راحت دموع واحزان وزروع خضرا احرقتها الشديدة اوراق سودا صارت اشكال والوان راحت وراه وكنّها من عبيده الريح زرقا والورق كل الالوان وتال الرياح امطار تنظم قصيدة سماوي الرياض ********* إهداء خاص,. لسمو الوليد فخر العضوية وسموها واهداء عام,. لكل قلب نبض بحب الهلال ولكل قلب يغالط نفسه ! *** يا هلالي الهلال الفوز والفوز معناه الهلال كل خطوة قادها البحر تثبت ماتزول ياهلالي والجماهير في شرق وشمال ماسمعت إلا هلالي ورى قرع الطبول كل ماتطري تدلى من الشعر الحبال ثم اعقل مهرة الشعر لو كانت جفول غيمة الأشعار تمطر على الدفتر زلال تروي الظامي وتسأله وش وده يقول ياهلال الفن من فيه مثلك ياهلال انت طير يرهب الخصم لا عود يجول انت لا من قلت ماهو عبارةعن مقال انت لا من قلت تثبت كلامك بالفعول انت في فنك تزعمت لقلوب الرجال ماقدرت اوصفك يامذهل كل العقول انت حرٍ كا كره فوق في روس الجبال مارضى بالعيش طامن على رمل السهول قبل نيل الكاس معروف ماغيرك ينال ثابت سعر الذهب ماتغيره الفصول والله اني قلت ماشفت ماقلت الخيال وماوفي الأزرق حقوقه لواشعاري تطول عبدالله فهيد صالح الفهيد الاسياح التنومة *** ما لها إلا هلالها واللاعبين في حضور اللي نتشرف لا حضر ومن يدين اللي تقبل له يمين تشرف الأزرق,, والأبيض,, والخضر بالقاء للقايد الفهد الأمين نال الأزرق اغلا كأس في العمر كاس منهو وحد الدولة بدين ليه لا مانرفعك,, فوق إبفخر ليه,, لا,, يارافع,, الكاس الثمين ايه,, هذا,, الموج الأزرق وإن هدر مالها,, إلا,, هلالها واللاعبين بك يابندر واجب انا نفتخر وانت يانواف,, مجهودك,, ثمين يالرجال اللي وراء هذا,, النصر شاكرين,, اجهودكم,, ومقدرين موج,, الأزرق,, ثارني لفوزه شعر وستثار,, الشعر,, مدح,, اللاعبين ياهلا بمن,, هو ببداعه بهر يالدعيع جعل تسلم هاليدين والاسود ابطالنا اوحوش البحر الشريدة والخليل المبدعين واظهرتنا لنا بهم شدة ضهر احمد الدوخي ولطف المبهرين وفيه لتمياط,, ابداعٍ,, يسر ينطرب له,, فن,, كل الحاضرين ورقم سبعة اصرار وتصويبه خطر من,,امامه,, يوم,, يسدد,, هاربين وجاسم اللي جاد واسعد من حضر لاسمه,, الجمهور,, دوم,, مرددين وفيلسوف الفن في لعبه سحر من فنونه الصعب لا هاجم يلين لانزل يوسف علينا ماذخر للحظة انزوله,, بشوق,, ناطرين ولاعوى ذيب البراري من قهر ما على الحراس غطاء مدافعين والاداري قبل هالوقت اشتهر وحقق الكاسين وهالكاس الثمين وللمدرب واللي بالستة عشرة اعتذر,, والعفو,, محنا ناسيين ليه لا مانرفعه فوق بفخر ليه,, مانفخر,, وحنا,, الفايزين عبدالاله الغدير
