إنجاز الهلال في عيون شعرائه

تلبية لرغبة شعراء الهلال والوطن نواصل نشر هذه القصائد التي تعبر عن فوز الهلال ببطولة كأس آسيا للأندية أبطال الدوري
ياهلال بدرك اكتمل
مبروك فوزك يا بطل
ويكفيك شر الحاسدين
حققت برجالك أمل
فخرٍ لنا طول السنين
واللي تمنيته حصل
وما خاب ظن العاشقين
ياهلال بدرك اكتمل
ونوره سطع في كل جبين
ياهلال برجالك وصل
مجدك لحد الثلاثين
واصل تقدم لاتمل
لك كل أبونا حاضرين
واليوم أبفرح واحتفل
في ظل حامي هالعرين
وبالسيف ابرقص وأسفهل
بالفوز و هالكأس الثمين
الرأس عالي ومانزل
الا لرب العالمين
علي بن صالح السعداني
لاعب نادي الفيصلية بحرمة
***
من كف سلطان السعد نال مانال
حقاً إنها ليلة باهرة الجمال فقد عمت فيها الفرحة كل الوجوه في شتى مناطق مملكتنا الغالية عندما اضاف أبطال الهلال لبنة جديدة إلى لبنات مجد هذا الوطن المعطاء في شتى مجالات التقدم والرقي ومن بين هذه المجالات التي يصعب حصرها المجال الرياضي الذي قفز قفزات واسعة ابهرت القريب والبعيد وهذا إن دل على شيء فهو يدل دلالة اكيدة على ما يلقاه هذا القطاع من دعم متواصل من لدن خادم الحرمين الشريفين حفظه الله وولي عهده الأمين الأمير عبدالله بن عبدالعزيز وسمو النائب الثاني صاحب السمو الملكي الامير سلطان بن عبدالعزيز، ولا ننسى وجه السعد صاحب السمو الملكي الأمير سلطان بن فهد بن عبدالعزيز ونائبه الأمير نواف بن فيصل بن فهد اللذين اضطلعا بمسئولية هذا المرفق الهام قطاع الشباب والرياضة في بلدنا الحبيب.
وبمناسبة فوز زعيم الأندية السعودية أحببت المشاركة بهذه القصيدة.
هذا هلال المجد بالعز يختال
تكتب بطولاته حروف عريضة
كأس الذهب جابوه بالكر وانزال
غصب على اللي فوزهم به يغيضه
جابوا ذهب ما دوروا فيه الأبدال
غال المعادن ما سعوا في نقيضه
من كف سلطان السعد نال مانال
كأس الذهب يبهر تلامع وميضه
هلال تلألأ في الفضاء يشعل اشعال
الفن والابداع من نبع فيضه
منجم ذهب غال الثمن ماله أمثال
في مقبل الأيام ربي حفيظه
منجم ذهب ماينقصه وزن مثقال
الجذر ثابت والنماء في بريضه
زعيم آسيا مجده على راس ماطال
موج البحر يغرق غريمه كضيضه
مايشتكون النقص لو صار بالحال
الى غاب نجم صار نده عويضه
يستأهلون المدح في كل الأحوال
وفي مدحهم ذا الشعر يحلو قريضه
عدوهم لو قال بالفعل ريبال
ينزل من العالي الى اسفل حضيضه
لو كان له جولات وافعال تنقال
أمام الأزرق مسرع حوصة فضيضه
قدامهم ماله على الفوز مدخال
لوجاء من أقصى الشرق والحق قضيضه
شأوه قصير ولو بغى الفوز مانال
لوكان في الميدان ضاعف ركيضه
يمسي كسير البال والدمع شلال
واللي حواليه اسهره من جضيضه
وصلوا على المختار ماهل همال
من مزنة غراء تقافا نفيضه
منير بن ماطر بن مسلَّم العصيمي العتيبي
عنيزة
***
عادات الزعيم
أزرق وابيض هذا لونه
دايماً في العلالي تلقونه
زعيم الأندية يسمونه
جمهوره الجارف دوم يحبونه
جمهور الزعيم ماخابت ظنونه
بفن ولعب بني هلال جنت جنونه
كل لاعب في الهلال يبونه
في الأندية العالمية يطلبونه
في الملعب اللاعب بانت فنونه
وجمهوركم بالفوز قرت عيونه
تزعم القارة وغيره مايلحقونه
بالبطولات والكؤوس هم يوصفونه
كأس آسيا للوطن تهدونه
وهاذي عادات الزعيم اللي تعرفونه
سعود عبدالعزيز محمد السليمان الرياض
***
يستاهل التتويج
هلالاً تجلى وأكتمل بالثلاثين
وزادت بطولاته وزاد إنتصاره
اللي اعتلى القمة بكل الميادين
واللي تزعم في زعامته قاره
يستاهل التتويج نادي الشياهين
ويستاهله مجداً سكن وسط داره
بسم الوطن فرح قلوب الملايين
الفوز دايم هو هدفه وشعاره
خطط مدربهم لقلب الموازين
ومشوا على الخطة بفن ومهارة
يوم الدقايق قربت حول تسعين
حول نديده بعد فوز لخساره
ماهمة اليابان واللي لعب مين
اللي يباريهم يذوق المراره
جمهورهم معهم على العسر واللين
بتشجيع جهوره وصل للصداره
بعهد أبو محمد والرجال الميامين
وأعضاء الشرف يساهموا في إزدهاره
أبو محمد جابها بأربع سنين
عشر بطولاتٍ بعزم وجداره
فوزية البلوي
***
أهلا هلا ياهلال البطولات
أهلاً هلا ياهلال البطولات
زعيمها ياهلالنا ياغالي
انجومنا يارجال المهمات
واشعارنا يانور الليالي
ياهلالنا ياهلال المنصات
زعيمها ماعاد به مجالي
حاضر جاهز في كل الاوقات
كم من بطولة الا ونالي
جمهرونا يهتف لك بالاصوات
جمهرونا جمهورٍ مثالي
قدام الازرق مابه صعوبات
الموج الازرق لا مايبالي
حنا لها مستقبل ومافات
اشعارنا عالي فوق عالي
من غير الازرق هيهات هيهات
من غير الازرق حقق آمالي
ياهلالنا نهديك التحيات
افراحنا دايم بالتوالي
الهلالي سليمان اليوسف
عنيزة
***
الفن الهلالي
خبر اللي ماحسب
للملاقى وش يكون
الهلالي لالعب
يزرع الملعب فنون
يزرعه فن وطرب
يعزفه باحلى اللحون
له جماهير عجب
في المدرج يهتفون
صوتها فيه الغضب
مثل رعد في مزون
عانقوا كاس الذهب
وغيرهم مايقدرون
مالقوا غيرالتعب
وفكل مره يخسرون
اسالوا ويش السبب
كانهم مايعرفون
يافريق من ذهب
منزله وسط العيون
كم بطولات كسب
في سجله يكتبون
اسألوا كاس العرب
وآسيا هم يذكرون
حمد الخيّال
***
اسمه هلال المجد والمجد له اساس
الحمد لله يوم نادى المنادي
وارتاح قلبٍ دعابه كل هوجاس
في ساعةٍ فيها بلغنا المرادي
يوم اكتمل عقد الثلاثين بالكاس
يوم الذهب عمم لكل النوادي
برسالةٍ تقرا من الناس للناس
مضمونها يبي رجال اتفادي
بارواحها من شان ترفع به الراس
والكل جهز فرقته للجهادي
وتنافسوا والكل عوّد بالافلاس
ما غير نادي تفتخر به ابلادي
يازين لعبه وان كتم بعض الأنفاس
ياللي تريد الكاس تايه وغادي
الكاس من دونه رجال وحراس
الكاس جهز له مكان وكادي
بحي العريجاء موقعه حيل حساس
ياما قصر من دونها من ايادي
غير الزعيم ماله زعيم ومجلاس
خصيمنا مايهتني بالرقادي
يدمي إبهامه من كثر عض الاضراس
جونا من اليابان جندٍ امعادي
جونا وتصدينا لهم عقب مرواس
حنانرد الدّين للاتحادي
بسم الوطن لو غيروا لون الالباس
عاش الزعيم اللي تسيد وسادي
وعاش الذي بالمجد يبني له الساس
عاشت إدارتنا برجلٍ اقيادي
بندر كما الطير قرناس
وابن طلال يبذر اجذور الحصادي
ومعه الشبل خالد خذا الطيب نوماس
وباقي الأعضاء مدهم بازديادي
صندوقنا مايشتكي قل الإفلاس
وعاش الدعيع صايد مايصادي
حامي احدود المنطقة حتى الاقواس
وعاش النمر والذئب يوم العنادي
صالوا وجالوا وقلدوهم من الماس
وأحمد خليل الجود طبعه وجادي
ومعه الشريدة للصعيبات دواس
والدوخي أحمد كم ظهيرٍ ابادي
له هجمةٍ مادرسه كل دراس
ومحمد اللي مابلعبه تمادي
ظهيرنا اللي للمهمات نبراس
والجندي المجهول باللعب هادي
خميس خصمه يضرب أخماس بأسداس
ونواف له بالمجد كرسي ينادي
كرسي ذهب لأهل الذهب ماله أجناس
ومحمد الشلهوب بالفن بادي
جسمه صغير ولا عرف عقله الياس
والمطرف اللي بالمهمات زادي
مع سيرجو وقت الخطر دق الأجراس
وباقي اللعيبة لو بذلت اجتهادي
قصرت أنا بحقوقهم عندي إحساس
جن الملاعب أعلنوا للعبادي
في لحظةٍ فيها الارياق يباس
أن آسيا لها زعيمٍ وكادي
اسمه هلال المجد والمجد له ساس
وختامها صلوا على خير هادي
على الرسول المصطفى قدوة الناس