الله يبيحه عدد ما لاح براق الخيالا

جيت اعزي سيدي من بعد ما جالي مجالا
فالأمير أحمد عسى منزاله بخضر الجناني
وشفت دمع أميرنا من فوق وجناته تتالى
وشاركه شعب وقياده في الوطن قاصي وداني
يختلف نوع المصائب به خفاف وبه ثقالى
ومن صبر بدل إله العرش سياته حساني
صدمتين في سنة من ربنا جل وتعالى
يالله ان تجبر عزاء سلمان في هذا الزماني
من شمال المملكة تمشي الى حد الطوالى
ومن بحر جدة ليا تاقف على ساحل عماني
شعب واحد قلب واحد من يمين ومن شمالا
لاجل أمير العاصمة كل حضر لرضاه عاني
يا طويلين العمار وياكريمين السبالا
البنادم في حياته بين خوف وبين اماني
وكل مخلوق مصيره يا جماعة للزوالا
لو يطولن الليالي فاعرف ان العمر فاني
الفقيدة فاقدة كل الفقارا والثكالى
رائد التطوير تبكيه الصحافة والحصاني
الله يثبت سمو أميرنا عند السؤالا
والله يبيحه عدد من قد قرى سبع المثاني
والله يبيحه عدد ما بان في القبله هلالا
وعد من يمشي وسير من مكان الى مكاني
واللي يبيحه عدد مالاح براق الخيالا
بالنيابة قلتها يا أمير عن كل اقحطاني
والعزا كله لمنهو لارتكاء للحمل شالا
فهدنا فهد العروبة عزنا في ذا المكاني
ويا عسى الله يحفظ الأمير وقروم العيالا
ويا عسى باقي حياته كلها أفراح وتهاني
إبراهيم بن مسمار القحطاني