ياما ذكرتك

شبيت نار الغلا بْهّر لي دْلالك
من صافي البن الاشقر قهوني دلّه
الشوق مبطي يعانق قمة أطلالك
والوصل سيفٍ نخاف نْجرب انسلّه
عشت اتفيّاك واسكن واحة ظلالك
اروي ضما الروح من واحتْك وابلّه
لبية دعوة غلاك وجيتك لْ حالك
ما غيرك اللي ملك قلبي ومحتلّه
ياما ذكرتك وقلبي يطلب وصالك
راحت سنين وغلاك ابْصدري اشلّه
ودّي أعاتبك في حلّك وترْحالك
ودي أحاسب شعورك دقّه وجلّه
ماني على خبرك اللّي يوم أنا قبالك
أعياني البعد واسكن فيني العلّه
مشتاقتك روح لكن كلي (اتهالك)
الله يعوض علينا في العمر كلّه