هذه القصيدة مجاراة لقصيدة الشيخ محمد بن راشد آل مكتوم حفظه الله من دار أبو متعب ذرا الجار والدين ستر العذارى الصيرمي واف الأشبار دار الوفا والعز ريف المقلين ديرة هل العوجاء بعيدين الأذكار تبختري يا بنت بازكا الرياحين قضّي جديلٍ لاعبي فيه الأشعار مع المزون الممطرة والنبا الزين وريح الخزاما والنفل غب الأمطار جادت قرايح خاطري بالتلاحين وهاجت مشاعر صافيه سر واجهار جاريت ابن مكتوم زبن المخلين محمد وحمدان الشغاميم الأخيار صاغوا مثايل راجحة بالموازين الشبل من ذاك الأسد حامي الدار نعم الشيوخ اللي على الطيب ضارين من ساس قوم ما يهابون الأخطار وملوكنا وشيوخنا قرة العين لشعوبهم ذخر كما الوالد البار الشعب واحد يجمعه منهج الدين والدم والتاريخ واسلوم وافكار لم العصا فيها صلابة وتمكين وفي فلّها كسر المهابة وتعبار ست الدول مثل الدرر طاغية زين بالروح نحميها عن أطماع الاشرار مجلس شرف نرعاه بالقلب والعين وانتابع انجازه على كل مضمار تفرح نجاحاته قلوب المحبين ويزيد غم الحاسد وكل مكار حصن منيع يزيدنا أمن ويعين ويطور الإبداع من كل الأعمار والعز بالوحدة ودحر الحقودين والدار قرب الدار والجار للجار وحدة وطن تجمع ديار الميامين في شعب واحد تتحد فيه الاشوار نادى بها الضرغام عون المساكين هو خادم البيتين وآماله كبار يستاهل البيضا وسوم ونياشين عون الضعيف اللي عليه الدهر جار نظراته اللي تودع القاسي يلين تبهج نفوس وتلتفت يمه أنظار لم الشمل يوجع قلوب المعادين ويزيدهم حسرة وتشتيت وأمرار وتقوى عزايمنا بكل الميادين وننعم بأمان يزيدنا جد وإصرار يا موطن الأحرار من سالف اسنين أرض الخليج اللي لها أذكار وأخبار أرسوا دعايمها شيوخ عزيزين خطّوا لها في صفحة المجد تذكار من الكويت إلى عمان السلاطين تزخر معالمها بها العقل يحتار ومن الرياض العاصمة والحرمين لهل الخليج انبارك اصغار وكبار أرض الكويت الصامدة والوفيين دولة عدل عز ومحبة ومقدار واهل الكرم عاداتهم دوم سمحين مع المنامة دوم في كل الأدوار والدوحة الغنّا ظلال المقيمين حطّت لها نهج التقدم لها شعار وأبوظبي فيها الحضارة عناوين من بين إمارات كما در محار ومسقط وأهل مسقط على الدرب ماشيين رمز الكفاح وعلم مع خير واعمار العز بالوحدة ودحر الحقودين والدار قرب الدار والجار للجار وصلاة ربي عد نبت البساتين على النبي الهاشمي خير الأبرار
