خط القلم

خط القلم جرحي - والأشواق حبره
يبقى الرفيق اللي له - جروحي تجود
الوقت (خيط) والصواديف أبره
ومن وخزَها كلن وله قسم معدود
دنيا الفنى/ تلوي علينا بمكره
ضاقت علي وخيط الأيام معقود
الخاطر المكسور - يا طول جبره
هذي سنة وسنين - ما هب له نود
كملي وأنا ارقب - مد بحرك وجزره
والظاهر اني في شواطيك مفقود
لو كثرت العميان لا عاد تشره
ضاع المقدْي وانت ما عاد لك فود
هذا المعنى - وان بقى، طال عمره:
الجذع يروى، والظما لاحق العود
مثله مثل غصنٍ يضحي بصبره
يفدي ضلاله ما شكى حيل مهدود
مليت اصارع في مواعيد بكره
واخيط فتقٍ (للمعاذير) ممدود
لا ميئسن منها - ولاني بمكره
فيني دبيب من الامل ما له حدود
سقف الامل عالي - وشيدت جدره
وطماعتي (فالمتن ما هيب فالذود)
أما وصالٍ - يعتق اللي بأسره
ولا سجينٍ - دونه الباب مردود..!
فهد الدقيس