تعب قلبي

الليلة الضيق واللوعات والعبرة
تخنقني شلون مدري بس تخنقني
الليلة الحب يحفر بالحشا قبره
والبال مشغول والتفكير يحرقني
الليلة الطرس فاض بمدمعه حبره
وهذا هو اللي يجمعني ويسرقني
الليلة الكسر ما يمدي على جبره
والقلب مكسور والأحزان تطرقني
فارقني اللي طيوفه تدعي صبره
من مطلع الصبح لين العصر فارقني
أدري مطيحي بعين الشعر وشكبره؟
وأدري خفوقي تركته بس نطقني
سترت جرحي وشوف الليل يختبره
خاويت عيني وشوف الدمع غرقني
نسيت ناسي عشانك ويش تعتبره؟
سرقت صبحي عشانك ليه تزهقني؟
كم مرتن شلت جرحك .. ول يا غبرة
حتى جروحك لحد الحين تعشقني
والحين قلي رجيتك وشهي الدبرة
وانته ب طيف الامل دايم معلقني
الليلة الحب يحفر بالحشا قبره
والموت قرب وهو الحين عانقني