الليث اخو نوره عطيب الفعايل

سلام يا دار للامجاد عنوان
دار ال سعود مطوعت كل عايل
على ارضها عاشوا ذريبين الايمان
اهل السيوف المرهفات الصقايل
اللابه اللي في الوغى فعلهم بان
كم راس شيخ عن علابية زايل
كل ال سعود بساحة الحرب شجعان
فوق المهار المكرمات الاصايل
من عهد ابوتركي سلايل كحيلان
الفيصلي المقرني نسل وايل
عبدالعزيز الصيرمي طير حوران
بالعدل ساوى بين كل القبايل
حكم بحزم وعزم بالسيف شامان
من العدى يروي حدود السلايل
لا ثارت الهيجاء يروي شبا الزان
الليث اخو نورة عطيب الفعايل
وحد وطنا اللي تباهى بالاوطان
وبلادنا عاشت بخير وفضايل
وسعود راعي الجود في غال الاثمان
يعطي ومداته كبار وجزايل
يوم ارتكى للحمل شاله بليهان
هذي فعول الشيخ واف الخصايل
وفيصل صليب الراس كان اللغا شان
على بنات الريح سوا الهوايل
قاد المعارك من شمال لنجران
ومن الغرب للشرق لجبال حايل
وخالد حكيم الراي والوقت له زان
من فضل والي العرش منشي المخايل
عند الحرم ضحى بشلة جهيمان
خلى الحمر في ساحة البيت سايل
وفهد اللي منه غشاء الجو دخان
ضد الزعيم اللي عن الحق مايل
رد الصباح وسكنه قصر دسمان
في ساحة الميدان قول صمايل
في المعركة يخوض غبات الاكوان
يدوس راس الخصم لاجاه صايل
وعبدالله اللي بالمهمات له شان
بين الدول يسعى بكل الوسايل
المملكة لبست من العز تيجان
على الدول جت بالصفوف الاوايل
محمد فهد الجربوع العنزي