السهر

الشاعر/ فيصل بن طواله

ليه المواعيد البعيده كل ما اصلها تغدي
ليه أولك مثل آخرك.. من يوم حبيتك هروب
ليه السهر يصيدني وأطلق هواجيس هددي
ليه ما اتوب واكرهك.. مادمت ما احب الذنوب
كل ما تباطيتك نزل رمشي على رمشي ندي
وأشوف أنا شوفي سراب من عبرةٍ عيّت تذوب
قلبي على بيد الضلوع اليا امتطتيه يحدي
الله وكيلك راس معلوقه من الوجد مخضوب
إن مرّني بعض الغلا.. اميل كلي يا سندي
ويسري وله دم الشمال بعرق وجدان الجنوب
تدرين لو ماهقوتي تجني مشاريه جهدي
ما أزرع ولا نبضة زعل تفرح بها بعض القلوب
غصبٍ عليّْ أرضيك لو يزعل عليّْ أطيب ردي
مدام يرضيه زعلك ماني على رضاه امغصوب
والبدو.. لاضاعوا قبل دليلهم نجم الجدي
وان ضعت أنا انتي دليلي في متاهات الدروب
يا بنت والله العظيم لو كان حظي في يدي
إني لأخلي غيمتي ترقص على فال الهبوب
وإني لأخلي علقمي يشرب من يدين اشهدي
وإني لأخلي ضيقتي عن جرحها.. صدري تتوب
وياليتني أقدر أكون إنسان غامض يا بعدي
انسى الصراحه الزايده واصير أنا أكبر كذوب