جفول

من قبل صوت الحقيقه لا يثير الفضول
ارجوك لا تشغليني في حكاية هلك
تعالي بجنب قلبي لا يشوفك عذول
واعطي خيالي دقيقة شعر لو يزعلك
يا مرحبا بك ودارك بين صمت وذهول
من قلبي اللي من اول في يدينك هلك
شفتي ذبول الملامح والوجع والنحول
لا تسئليني عن اسبابه انا بسئلك
من عام رحتي وحالي في غيابك يقول
مهما تباعد دروبي بوصلك بوصلك
أقسم بربي وانا اللي من عرفني زعول
ما ملّ قلبي وقوفه بين منّك ولك
أقفلت عيني وشفتك تحت جفني جفول
والحقت فكري ورى الاحلام يتخيّلك
كل الهضاب الجميله والزهر والحقول
ردّت معي يوم انادي ياملك ياملَك
واطلقت من قوس عنتر رمية ما تزول
ما صابت الا فؤاد بالعتب ظلّلك
واليوم جيتي قصيدة حزن ذيك السهول
ياما اصعبك لو يبيّن للغشيم اسهلك
وقّفت بآخرك خايف لا جديلك يطول
والله ربك وكنّي واقف ب اولك
يا بنت نرجس فؤادي يالحجاج الخجول
يا ريشة في دفاها يستكين الفلك
يا حلوة بالخيال ومرّة بالوصول
أكبر حرام بعيني والهوى حلّلك
في حبك اللي ذبحني ما عرفت الحلول
أعرفك والله ولكنّي كثير اجهلك
أدخل بجاهي عليك اليا لمحتي ذبول
لا تسئليني عن اسبابه أنا بسئلك
أحمد سارح