حكمة

الدعاء يمكن يجاب أو ما يجاب
لن فيه شروط لامنك بغيت
طبق السنة وما جا بالكتاب
اطب المطعم ليامنك شريت
والبس التقوى مثل لبس الثياب
واحسن النيه بربك لانويت
واعلم إنه عالم سر الصواب
ابد في ركن الصلاه ليا بديت
وابن باقي اركان الاخرى باحتساب
خلها خوف أو رجى يمكن اوليت
آمن برحمته وآمن بالعذاب
وكانك بدنياك يالعبد ابتليت
لا تظن انه دليلن للعقاب
يمكن انه رفعه لوما دريت
وسط جناته بما لذا وطاب
وانت في كونه وخلقه وش حويت
من تراب الله خلقك ليتراب
اذكر اله لن وقفت ولن مشيت
وان غفلت اكثر من النفس العتاب
وأكتب أوصاتك على فراش المبيت
لا تقول ان العمر توه شباب
ان حفظت الله بطعاته كفيت
الهمك عند السؤال اسم الجواب
وان عصيته ضاع كل اللي جنيت
ضيعة الظامي ورا طرد السراب
انت حي وتعتبر يا الحي ميت
وش حضورك دام قافيك الغياب
العمر رحله على قولك نسيت
ما بقى عقب الذهاب إلا الاياب
والمصيبه كان للمحشر خذيت
معك سيات مثل ريش الغراب
الشاعر/ منصور بن دغيم بن رديفان الديحاني