عساه في جنات عدن

اكتب وفا.. صارت علينا هزيعه
مات الكريم اللي له الناس يبكون
فجيعةٍ يا كبرها من فجيعه
فهد ابو سلطان والخلق يدرون
اسمه وفعله دايما فالطليعه
ظلٍ على المظلوم واللي يعانون
نفحات جوده بالعطايا سريعه
ابو اليتامى.. واليتامى يونون
يوم ان رحل والحلم بأول ربيعه
كفه سحابه خير راهي ومضمون
حاتم زمانه والمراجل تطيعه
يبكي عليه العز.. واللي يعزون
ونبكي عليه الصبح واللي تبيعه
فرقاه غير.. وغير مهما تقولون
من حزنها ضاقت فجوع الوسيعه
شهم سعى بالخير راضي وممنون
حر شهر فوق الهضاب الرفيعه
اسمه كرم.. سموا على اللي تسمون
واسمه ذرا.. واللي حصونه منيعه
من ساحل أبحر غرب لاحد طحنون
موته حدث كل الخلايق تذيعه
معروف بالفزعات.. بالجود مفتون
ما هو تصنع ورث جد وطبيعه
سلمان ابوه اللي دوا كل مغبون
أبو فهد يشفى الطعون الشنيعه
نشكر على الله واكثر الناس يشكون
يالله يامنزل كتاب الشريعه
ارحم فقيد الشعب يا عالم الكون
فقده علينا هم ما نستطيعه
الموت حق وللمخاليق مسنون
ولا يفقد الا من يخلد صنيعه
يامنزل امره على الكاف والنون
عساه في جنات عدن البديعه
يقوله اللي عقب فرقاه مطعون
الطعنة اللي في الضماير فظيعه
ناصر بن كروز بن سرحان المنيخر