الاد مقرن والمواقف حميده

يامرحبا وعداد وبل من الأمطار
باللي لفونا من ديارٍ بعيدة
سلطان جعله من طويلين الاعمار
يسعد زمانه والليالي سعيدة
سلطان نور للمملكة واف الأشبار
اللي على الأيتام ماشحت ايده
وسلمان أبوفهد هو نسل الأحرار
نعم بأخو سلطان وهو عضيده
والعاصمة من جيته زادت أنوار
وقصر الحكم عيد وهو يوم عيده
صقر الجزيرة ريف للشعب والجار
ويطول في عمره سنين عديدة
محبته بقلوب شعبه من الأخيار
وإلا الرهابي جعل ربي يبيده
الحكم من دونه اهل العز والكار
الاد مقرن والمواقف حميده
حكام نجد شيوخ وافين الأشبار
نجم على رأس المعادي مكيده
عبد الله وسلطان هم نسل الاخيار
ونايف فعوله كل بوها رشيدة
نايف لي عدو هل الطيب والكار
ابومحمد والسجايا حميده
واخوان نوره لعتلو شحص الامهار
ماعاد يبقى للمعادي شريده
أنتم هل العوجا ليصار ماصار
ضد العدو ليبان وأنتم ضديده
الحكم من دونه هل السيف بتار
معزي حكم حكم حدوده بعيده
من زار حد المملكة كسر وانهار
يونس على كبده حرايق وقيده
من دونه الشجعان فادوا بالأعمار
والحوثي اقفى ماحصل مايريده
لصوصه تلاوذ من الفشك كنها فار
راحوا ضحايا عند هاك الفريده
والحوثي اقفى وانهزم وزبن الغار
مثل الثعل لابد الايدي تصيده
جمع أرهابيين وخاين وغدار
طاغٍ وقلبه خالي من العقيدة
غره ابليس وحصل الذنب والعار
يريد شي وطعنته في وريده
وصلاة ربي عد من يرمي الاجمار
على النبي الخير ربي يزيده