باقي الشيبان

هذه القصيدة رثاء في وفاة هادي بن عبدالله العفيش وعايض بن عبدالله العفيش (رحمهما الله).
يا والله اللي روحو باقي الشيبان
هل لطيب والناموس ذربين الايماني
تقافوا وراحو روحةٍ مابها رجعان
وتحت الثراء لفو ولحدو بالاكفاني
وظلم على الكون والتمت الاحزان
ويا شين شوف الدار من عقب عماني
ماكن فالوطن ربعا ولا كن به سكان
وكني على ذا الكون يا الربع وحداني
فجيعة وصدمة ما حسبنا لها حسبان
ويا شين فجعات اليالي والازماني
رحاها تخم الروس وتخلي الكرعان
وكلاً يموت وكل حياً بها فاني
أبو خالد الوافي وأبو متعب اكحيلان
خذتهم خلال أيام واحد وراء الثاني
زحولاً بطيب افعالهم يرجح الميزان
لو ان المراجل توزن بكف ميزاني
عسى تشمل الاثنين رحمتك يالرحمن
وتلطف وتشملهم برحمة وغفراني
وعسى في جنان الخلد تجعلهم مسكان
وترفع منازلهم بجنات عدناني
ولعل العوض في باقي الربع والاخوان
حراراً ينومس شوفهم ربع وأخواني
اخوان وذخر وعدهم محزم مليان
احزام يحزم كان وجه الزمن شاني
وتمت وصلو عد ما هلت الامزان
مطرها وسال السيل من غر الأمزاني
على محمد اللي وضح الدين والاركان
شفيع البشر في يوم روغات الاذهاني
عبدالهادي حمد العفيش القحطاني