فقر... وطيش

محبين سلوى الخاطر الدمث صاروا قوم
لطم غيّها بالبغض حاجر مذاهبها
أنا من شظايا شيطنة حارة المظلوم
رضعت الفقر والطيش وأرضه سكنت بها
لناديت لأفراحي يفز الطموح اقروم
لكن الزمان النذل الأفراح يسلبها
اصب الرجاء قرهود أمل في فم المقسوم
وتذبل مقادير الغياب ابغياهبها
لسان الكلام أبكم ولا ينطق اليشموم
تناوشت شهب أفكاري الشرّد احلبها
أولع سناء شوفك واشب القصيد علوم
اسولف معك بشويش وابياتي احطبها
ربيع، العتاب، العذر، لصب كثر اللوم
ملاذي من أنياب الملامة ومخلبها
حزينة وأنا كلي شتات وحزن وهموم
خنقني نسيم الصبح وأنفاسي اتعبها
نهار أمس يازينك ياحلوك نهار اليوم
وبكرة تجين احلى وتبدين فيه أبهى
أعلق عناقيد الغلا في سماك انجوم
واطش المشاعر لاخر الشوق مااحسبها
سموم الغرور اللي نفثها الكبر والزوم
سمارك نبت سمسم على مبسم إعنبها
من حدود نبضك لفضاء صدرك المزموم
إرتاب ابعد الأحلام واستوحش أقربها
على ساقي الذكرى جفاني لذيد النوم
حرثت المواجع وانتثر حزن كاتبها