نقيض الضحك

كم حزن مر بشعوري وانتهى بعيني
وكم هم حاولت أقوله بس ما قلته
اللي بقى من وجودي... ما يكفّيني
واللي بقى في خيالي... حلم ما طلته
لو العمر يرجع وترجع لي سنيني
رجعت للصح في عمري وكملته
ما عاد به شي ف الدنيا يسليني
حتى الأمل حاصر أحزاني بأسئلته
النود تاخذ من إحساسي وتعطيني
وإحساسي المتّقد... بالحزن كبّلته
كم كلّ متني ورجلي ما توديني
الدرب طوّل وعبء الغد ما شلته
ما أعرف من الراحة إلا راحة يديني
اللي زمام الأمور بحلمي أهملته
لقيت فالليل... ليلٍ ما يسريني
ولقيت فالصبح... صبحٍ ما تأمّلته
سافرت لأجل السفر يخفي عناويني
وبأول محطة، نقيض الضحك قابلته!