قِطا... وطار!

وانتي تمرّين السواحل..عطيني:
دمعة تعب منسيّه بصدر بَحّار
كنّ الشواطي ليل في محجريني
يسْترزق بدمع الندم صبح واشجار
من وين أجيب وعود يا..ياسميني؟
وقفل الجفا دَيّن لبَس دين خَمّار!!
قلت: المدن..قالت لي: آخر سنيني..
قلت: الوطن من وين؟.. وانسَدْلَت أستار
قلت: وقطار الذاكره.. جاوبيني؟
قالت: معَ سرب المَهاجِر قِطا.. وطار!!
ليتك تركتي طعون بينك وبيني
عشان أشيل خيانة الظهر تذكار
المشكله..ما عاد واقف بعيني
إلا عيوني اللي غدت طرْق مسمار!
كلّ المباني الطايحه.. خافقيني
واللي وقف.. لإشعار آخر.. وينهار
دام السما موطِئ قِدَم حافييني
درك الحضيض اخترته إنسان.. وديار!