أحزاب الأمل

يهب الياس في دوح الرجي ويطيّر الآمال =وانا افرش حنطة اسباب امس لخماص الرجاوي زل
ينام الحلم في صدري وانا بين الرجى والفال =ويصحى قبل لاصحى في درايش ظلع صدرى طل
تجيبه لهفة الخاطر أمل يحتل عرش البال =وهو في واقعي عن جملة احزاب الامل منحل
وانا في حال والواقع عن احلام التعب في حال =تقاليد اعتبارات التزام امزاعم (اخذ وخل)
تعبت اشوفني بين الاماني من زمن رحال =تعبت وطال بي دربي غدربي بين ليت وعل
حشمت الضيق بالصمت الرقيق وقام له خيال =على عيني يفوح ولاشعرت الا وانا محتل
ترجل ماعلى مثلك ملام وفالك انت اعقال =مقيم ٍ لك سنين اتل قلبي من ظلوعي تل
هواسهل شي تحلم واسهل الاحلام ماينقال =هواصعب شي حلمك يوم يولد ينولد منشل
على هون العزاوي ياعزى الرجال فالرجال =انادايم كثير ٍ قيمتي ماحطها في قل
سكت اسمعك واحيان السكوت ايعري المحتال =وعديتك وراي وشرهة الحشمه على اللي زل
تشوف اول مشاريه العتب في حيد كيف الحال =وانا ماخص حالك بالسؤال اخص حال الكل
بغيت انصحك شفت ان النصيحه مالها مدخال =على اللي في خريف العمر يحبي بين كل ومل
سفهتك لاسفهت البهرج اللي حط لك تمثال =سفهت اللي صنع منك انت جاهيه وراس وظل
صحيح ان المواقف تكشف الرجال والدجال =صحيح ان المراجل متعبه ماتعشق اية خل