بين شاعرين .. حامد الجحدلي : الود ما نحسبه سارق ..دايم على قلوبنا جبار

بين كلٍ من الشاعر عبدالرحمن القاضي والشاعر حامد عبدالحميد الجحدلي جرت ذات مساء هذه المحاورة فتعالوا لنقرأ ما دار بينهما :
القاضي :
سلام من خاطرا رايق=صافي من الهم والأكدار
واعداد ما يبرق البارق=واعداد ما هلت الأمطار
حامد :
يا مرحبا والرضا فايق=اللي جعلته جهر واسرار
لتضيق وأنا ماني ضايق=لني سألتك عن الأخبار
القاضي :
عسى البقا طبيبكم سابق=دايم على منهجه ما دار
بعد الوفا يلحق اللاحق=تجيك نشرة من المصدار
حامد :
حريف فالقول وموايق=وانت معلم بلا استفسار
وحدودها يلحق الشارق=مدري متى يرسي البحار
القاضي :
موج البحر دايم مصافق=ما يوم يرسي على فيدار
ملا عن مصافقو يدارق=ترميه الاسباب فالأخطار
حامد :
أول كلامك معي لايق=مرشوش بالورد والازهار
وفي آخره سار متفارق=وتأيده في قلم ومهار
القاضي :
أمشي حسب منتج الناطق=حسب الذي خيره وختار
لجل المعاني بحر غارق=من طب في غزرها يحتار
حامد :
لولا الهوى ما طرق طارق=ولا عزف فن فالأدوار
لجله فجوف الحشا عالق=أخبارها روت ساروسار
القاضي :
يا ما خلق ربنا الخالق=وياما شكى فالهوى شعار
ولا سرت في ودهم عاشق=لا بد ما تشرب الأمرار
حامد :
الود ما نحسبه سارق=ديم على قلوبنا جبار
نذرف من الدم ونشاهق=نلقى بدال المحنه نار
القاضي :
ان كنت من ودهم واثق=خليك لمتابعه صبار
وان كان منته منه رايق=اشكيه للواحد القهار