إنهاء معاناة مواطنة استنجدت بالدفاع المدني لتحرير خاتم من إصبعها..!!

تدخلت فرقة الإنقاذ بوحدة الدفاع المدني بحي التعليم بمدينة بريدة لتحرير أصبع مواطنة من خاتم كانت تلبسه وإنهاء معاناتها بعد أن تعذر ذلك بأساليب أخرى مما استدعى الاتصال على الدفاع المدني للقيام بهذه المهمة ...
وفي التفاصيل التي أكدها الناطق الإعلامي بمديرية الدفاع المدني بمنطقة القصيم الرائد ابراهيم بن عبدالعزيز اباالخيل أن مواطناً اتصل بمركز القيادة والسيطرة بالدفاع المدني بمدينة بريدة في الساعة ( 12.7 ) من منتصف ليل الأربعاء طالباً المساعدة في تحرير إصبع زوجته من خاتم تعذر استخراجه مما تسبب في حدوث ألم في الإصبع وعلى الفور تم تحريك فرقة الإنقاذ بوحدة الدفاع المدني بحي التعليم وتم التعامل مع الحالة وفق متطلبات الموقف وإنهاء معاناة المرأة دون حدوث مضاعفات ولله الحمد
الحمد لله على سلامتك يا أختي ..
وشكراَ لمركز القيادة والسيطرة بالدفاع المدني بمدينة بريدة
والله يعطيكم العافية على جهود خدمتكم ..
جزاهم الله خير على اداء واجبهم
والله مدري وش اقول
انا اضحك والا اقول للمرآة الله يخلف عليك
خاااااتم اذا ضاق على اصبعها ولا قدرت عليه بالصابون فيه شي اسمه زرادية قص يستعملونها حتى ( اهل الذهب ) الصواغ لنفس الشغله
عمااااااااااااار يابلد
اكيد اقطعوا اصبعه بمنشار كهربائي وبطريقه سريعه بدون مظاعفات
كان علي طول للصناعبه ولا أشغلتوا الدفاع المدني
تم تحريك فرقة انقاذ؟؟؟
ياخي عندنا شعب ماتعرف تتصرف ابد
اجل داقين على الدفاع عشان خاتم ؟؟؟
اجل الناس تركض ورا الفرقه واخرتها خاتم ههههههههه
الله يرحم جدتي
يوم أختي الصغيرة صار لها نفس موقف هالمرأة جابت (الوازلين) ولطسته
وكلها خمس دقايق ويمصق الخااااااتم بلا دفاع مدني بلا هم
الموضوع ومآفيه يآ شباب
انهم بيذكرونكم ان فيه قطآع امني اسمه الدفاع المدني
وهالايام كل الاخبار
هذا وآحد من الاخبآر
وقبل يومين رسآله جوال تحذر من الالعاب الناريه
ع العموم آلله يحفظ علسنا آمننآ يآرب
ويحفظ كل رجل آمن يؤدي مهمه بإخلآ'ص
آللهم آمين
(مركز القيادة والسيطرة بالدفاع المدني بمدينة بريدة )ودك تسمع بة ولا تشوفة الله
لايحيج الا لوجهة يارب .
انجاز رائع لجنودنا البواسل وكانت العملية تحت اشراف مباشر من العميد
ليه ماراح لاقرب مستوصف او مستشفى بدال مايتصل على الدفاع المدني؟
كبر الموضوع وكل السالفة خاتم صغير
عموما الحمد لله ان الخاتم ظهر وانها بصحة وسلامه
السلام عليكم
تحية طيبة لعاجل وجميع قراءها
تحية طيبة لرجال الدفاع المدني على هذا الإنجاز
تحية طيبة لتلك المرآة وذلك الرجل ،، فهم فعلا في مأزق ،، هنيئاً لكم هذا التصرف الشجاع والسريع فهو ينم عن سرعة بديهة وحسن تصرف
أختي ،،، أخي ،،، ماذا لو كنتما في في العراق أو فلسطين ،،، فكيف ستتصرفان ؟
والله حالة ليش يطلع لهم الدفاع المدني دام الدعوى بسيطة
ليش ما جابه زوجه للمركز أهون وأسهل أقل شي يجي عند الباب
اتوقع قطعو الاصبع والخاتم ما طلع
لأنهم قطعوا الأصبع الخطأ
وهذي عوايد الدفاع المندي
والاسعاف ماله سنع ... أظن الشغله عنده
بنج وزيت ويطلع بأمر الله .
الله اكبر يااهل القصيم حتى الخاتم لازم الدولة تدخل به في اختراع اسمه زرادية وفيه أقرب صايغ ذهب يقصه لا والله من زود الفسقه لكن الشرهة على الدفاع المدني وهاللي كاشخ بنجيماته اللي يضيع بالبر او يتعطل ينحرق بيته يموت وما جوه
الله المستعان الحين خاتم ضيق لازم يحضر الدفاع المدني
والله تتطور بالقصيم
الظاهر ماعمر هالحرمه وزوجها سمعو ان في شي اسمه صابون او شامبو
والا زراديه
اهم شي حقين الدفاع المندي ماقصور اصباع الحرمه
كان رحت اقرب مستشفى قسم الطوارى يقصوه والا اقرب صائغ ذهب
الحمدلله على السلامه
حمدا لك اللهم على سلامة المرأة وعلى نعمة العقل لا زلت مندهشا منذ قراءة الخبر إذ ما علاقةالدفاع المدني بهذا الأمر الذي يخص طوارئ الإسعاف .
وجهة نظر من حيران :
المشكلة أحبتي التي نعاني منها نحن أنه وحتى الآن لا يعرف المواطن الجههة المعنية في شؤونه الحياتية ..
لا أعلم هل السبب غياب دور لجان التوعية والارشاد في الدوائر احكومية أم هو التهرب من المسؤولية فكل يرمي بحمله ويوجه واجباته لدائرة أخرى أم ماذا فلا زلات لا أدري وليتني أدري لتذهب حيرتي التي أرهقتني .
في انتظاركم أحبتي .
محبكم حيران
حدثت معنا نفس المشكله لكنا ذهبنا لمحل الذهب وقصه بأسهل مايكون
والاخت هذه لو تعرف هذا الشيء كان ريحت وارتاحت
التجاوب من الدفاع مطلوب وشي رائع
حمد لله على السلامه
ما يستاهل ان يذكر الموضوع
والله لو انها تحرير رقبه
والله العظيم عندي اثلول في اصبع يدي اليمني موريني الويل ما يجي الدفاع المدني يرش عليه شوية مويه
يابوبندر هما الاصبع حقنا ببريده انت وش دخلك
مافي الربيعة عند المطافي !!!!!!.
حلوة تحركت فرقة
زوجة شكلة مثل ايوبدر في مسلسل باب الحارة يخف عليها كتتتتتتتتتتتتير
هههههههههههه قمة السخافه أجل ليه تزوجها وماهو ادر يفك الخاتم من يدها كلها زراديه او مقص بسيط قال ايش قال فرقة انقاذ لا والأخ مرتز فوق مشخص
بالله استحوا هذا دفاع مدني والا مشغل؟
مهوب حوفها والله اكل من كل الاصناف والنهايه سمنه مفرطه زين اللي ماتبزلت ثيابها
ما اقول الا الحمد لله على نعمة العقل حتى الخاتم يستدعى له الدفاع المدني
تنويييييييييييييييييييييييه بسيييييييييييييييييييييييييييييط
الاخوان والاخوات الاعزاء عندما قرأت الموضوع تفاجئت مثلكم تماما ولكن الموضوع اكبر بكثير مما نتصور جميعا؟
عندما تم الاتصال بالدفاع المدني ......................................دفاع مدني
يعني كان فيه مشكلة
الشي الثاني وحدة السيطرة...........................................المشكلة كبيرة يبي لها سيطرة
الشي المهم ان زوجها اتصل مما يدل على صعوبة المشكلة عليه وهول الموقف يعني بشكل واضح الرجال سقط بين يديه
الشي الرابع لنفرظ انها كانت تجهز السحور وهي تنظف المطبخ علقت اصبعها بجهاز معين والا كانت تغسل هدوم وعلقت يدها بغسالة الملابس؟
يعني هناك صعوبة في حركتها لانها علقت..........يعني تورطت
فلا تكون ردودكم سريعة الله يجزاكم خييييييييييييييييييييييييييييييييييييييييييييييييير
الدفاع المدني كله بسيارته جاي علشان خاتم
انا بس ودي ادري ليه مارحت لصايغ الذهب فكه له
بالعكس الدفاع المدني رجال ويستاهلون كل خير أجل من اللي يستاهل ..
والله لو بيدي لأزيدهم مية بالمية مع العلم بأني مدرس وزيادتي 8 ريال وعشرين هللة
ماقول لكم ياليتني قصيمي ههههههههههه
عزالله ماخذين حقكم الدولة زين
ياحسرة تقفل علي باب البدروم مره جلست يوم كامل لو مالله وجيراننا الله يوفقهم
كان رحت بخبر كان وانتم خاتم ((على الفور تم تحريك فرقة الإنقاذ بوحدة الدفاع المدني
ياربي تعوصنا بالجنه وياااااااااااكم هاللي اقوله بس
(((((((((( ماذا يرتجي الدين والوطن من هؤالاء )))))
أختي أين انت من الصحابيات والتابعيات ؟؟ بل لنقل اين انت من أمك أو جدتك ؟
ألهذا وصل بنا الحال ؟؟؟؟؟
اعتقد ان الوضع يحتاج إلى مراجعة
اصلن ماتدون ياجماعه .... شافتهم قاعدين ولاعندهم شغل قلت انا اوريكم
وراحت للبيت وتصلت قالت خلوهم يشتغلون
رجال طول وعرض منت قادر تطلع خاتم
من يد زوجتك يا أثول ( تد لخي ) !!!!
أخاف فيه أشياء ثانية تعتمد فيها على الجيران
ياللعجب !!!!!
فعلا خبر مهم جدا جدا جدا ؟؟؟؟
وما ادري وش سالفة التركيز على الدفاع المدني وذكر الأسماء بالتفصيل الممل ؟؟؟
وبعدين هالرجال بدل ما يطلع فرقة من الدفاع المدني ياخذ المرة لأقرب مركز اسعاف وخلصنا ..
المسألة مو خاصة بالدفاع المدني من أصله ؟؟؟
انا وصلني ايميل عنها و شفت يد المرءة و صبعها بعد ازلة الخاتم من اصبعها
منظر يخوف بكل صراحة ...
انا مستغرب من هالمرءة كيف قدرت تتحمل هالضغط اللي على صبعها
و مستغرب ايضا كيف قدرو الدفاع المدني قص الخاتم دون قص اصبعها
بالذات انه ما فيه مجال لزرادية و لا هم يحزنون
صبعها صار متورم و حالتها حالة
الله يعين
و الحمد الله على سلامتها
والله سخافة
أنا أتوقع إنه مراهن زوجته على إحضار الدفاع المدني إلى البيت
والشكوى لله ما لاقلا إلا إصبع ها المسكينة
المفروض يتم تحويله للتحقيق