جامعة القصيم تعلن عن وظائف تعليمية نسائية ل 12 تخصص في جميع المحافظات

أعلنت جامعة القصيم ممثلة بوكالة الجامعة لكليات البنات بجامعة القصيم عن حاجتها إلى شغل بعض الوظائف أعضاء هيئة تدريس (عنصر نسائي )( حصلت عاجل على نسخه منها ) للعام الجامعي 1430/1431ه في الوظائف الموضحة أدناه واعلنت الجامعه انها سوف تستقبل التقديم اعتبارا من يوم السبت القادم 17/8/1430 ولمدة عشرة ايام .
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
الله يرزق الجميع
الله كريم و يرزق بنات الوطن
غريبة مالقيت الخبر في موقع الجامعة
وين التقديم يكون بالمليدا اوين؟
مشكورين
اني داع فأمنوا..................................اللهم ارزقني وظيفه
واجعلني ان اكون عضوه يارب العالمين..................................آآآآممميييييننننننن يارب العالمين
ياأخوان يعني بس التقديم لخريجات جامعة القصيم وباقي الجامعات يعني ماهو معترف بيها ولا وش القصه ؟؟؟؟؟؟؟؟؟؟؟؟؟
الوظايف محددة نوعا ما لمن سيتوظف عليها وقد يكون ماأعلن عنه إجراء روتيني ..
والله يكفينا عاقبة الظلم ودعوة المظلوم ,,
عشنا وشفنا بأم أعيننا أناس أكفاء عين أقل منهم على وظائف بجامعة القصيم هذه السنة ولا في قسم الشريعة ..
ناس حافظين الكتب الستة والقرآن وطلبة علم أستبعدوا وعين ناس من بريدة وضوحيها ..
وحسبي الله عليهم وعند الله تجتمع الخصوم ,,
ولا بعضهم مهوب ملتزم ظاهرا ..
حسبي الله على من كان السبب
ياكرههم من وين نجيب جيد جدا
وظفونا بلا مقابل بس نشتغل
والله سخافه شروط بالعمر بعد
ياخوي وش دخلكم عمرها 28 ولا 90
يعني ام 29 مالها رب
واللي شهادتها من 3 سنوات مالها رب
طيب اللي متخرجه من وقت تنتظر الفرج
وش ذنبها الله لايكثر خيركم
ولا تفرحون بعد ياللي تنطبق الشروط عليكم
تراها محجوزه من الان كبرن المخده
قمة السخافه هزلت ياوطني
عاجل اتمنى النشر
ليش الشرط هذا ياجامعة القصيم : أن تكون حاصلة على درجة البكالوريوس حديثاً من جامعة القصيم
وش الحكمة او بس كذا .............المهم الله يوفق بنات الوطن في كل مكان
سلملم ضحكتني موقع الجامعة لي أشهر اتردد عليه ما تغير هو هو هو مافيش جديد
انشري للحياد يا عاجل
تحياتي للجميع
التاريخ غلط يا عاجل عدلوه لا تنكبون الخلق
الوظايف محجوزة والإعلان للتمويه
ياجماعه لاتقدمون ولاتتعبون
مشرفة الدراسات العلياء \\
مسويه مقابله للطالبات الاسبوع اللي فات
ومختاره ومخلصه
ومدوره البنات تدوير مااحد يصدق فيه من ضمنهن
اختي ؟؟؟؟؟ماادري وشلون طلعت رقمه؟؟؟؟؟؟
شفتو وشلون التلاعب يصير
لكن االله حسيبهم يوم القيامه
حسبي الله ونعم الوكيل
اللهم اكفناهم بما شئت ياحيو ياقيوم
وش ذا العنصرية ياجامعة القصيم يعني اللي مو متخرج من جامعة القصيم ماله نصيب في الوظائف .
سبحان الله ،،،، شرط غريب ... وأول مرة يصدر عن جامعة سعودية ؟؟؟؟؟
أتمنى أن يكون خطأ مطبعي وإلا ستكون كارثة ؟؟؟؟؟؟؟؟؟؟؟؟؟؟؟؟؟؟؟؟
آلسلام عليكم ورحمة الله وبركآته'
أخوتي ..
آلتآريخ صحيح ..
أمآ مسآلة أن الوظآئف محجوزة .. فلا أظن ذلك .. فقد اتصلت علينا رئيسات الاقسآم
ليخبرننا فقط عن بدء التسجيل للإعآدة ..
وأننا الأقسآآم بحاااجة ..
آمآ مشرفة الدرآسآت العليآ فلم تقل شيء لنآ شيء .. فقد كنت عندها في المكتب في آخر أسبوع لهم ..
وأوصتنآ بالتقديم ..
وهو مفتوح للجميع ..
(( ترى مآطلبوا تزكيات عشان المتخرجات هالسنة.. مانقدر ندبر تزكية لأن الوثائق متآخرة ))
يااااااااارب يا اكرم الاكرمنين اني اتوظف بجامعة القصيم
حتى الهم تعب مني
أهلاً بالجميع ..
أحسن مافي وزاراتنا إلى الأن أنهم يحيون الأمل فيك كل إسبوع إنه فيه وظائف تطرح .. وأجرهم على هذا التصرف كبير بلا شك .. ولا بالحقيقه لا يوجد شيء من هذا !!
الوظائف صحيح مطروحة ، لكنها بالحقيقه الواسطه ساحبه بطاقة الصعود أو (البوردنق )هذي عشان التميلح إني أفهم ، وطارة الطياره يم الديار البعيده !!!
أنا أتفق مع الإخوة أو الأخوات الأفاضل وخاصةً ( من القهر مضيوم ) و ( ممنون ) ، حقيقه وش دخلكم بالعمر !!؟؟ بتناسبونهم !!؟؟ أو بتشغلونهم كا....حق مكتسب .. هذا المفروض .. بس عاد أم تسعين 90 ماله داعي!! مو تقل شوي كبيره ؟ إلا إذا تستشار صباح وش سوت بروحه بالشد مع ثلاث صطول بوية مكياج ، يمكن تطلع مقبوله !!
أيضاً وش فرق خريجة 1999م و2003م و2006م أو أي تاريخ براس اللي حطه !!؟؟ من اللي أخر هالمسكينات عن التوظيف ؟ أليس هذا النظام الذي تستخرجون ما يناسبكم منه ؟
هل عرض على هالمسكينات الوظائف في وقت تخرجهن أو بعد 3 سنوات ورفضن الوظيفه ؟؟
أيضاً المطالبه بتقدير معين خطأ كبير بحق شاباتنا وشبابنا !! المفترض بالترتيب وعلى حسب تاريخ التخرج وبدون مقابلات ومفاضلات وهذه الأساليب المستهلكه السخيفه والتي حفظها الصغير قبل الكبير أنها طريق ومدخل الواسطه !! يجب أن تكون العمليه إثبات وجود لثلاث سنوات ، حتى لو كان التقييم شف سوق الخضره ، قد تكون أو يكون مبدع إذا دخل مجال العمل ... وهو المحك الحقيقي ..
وإذا لم تثبت جدارتها أو جدارته ( الباب بيفوت قمل ) تراه جمل مو قملنا حق روسنا منول
تحياتي ..
ياليت توضحون لنا وين يكون التقديم ؟؟؟؟
لو سمحتواا اللي يعرف وين مكان التقديم يقووول بليززز أنتظررركم
اللهم إني اسألك رزقاً واسعاً حلالاً طيباً وجميع أخواني وأخواتي
التقديم بمبنى الرجال
عند شؤون الموظفين
والله أعلم
التقديم بإدارة شؤون الموظفين وأعضاء هيئة التدريس
بالدور السادس بالمبنى الرئيسي لجامعة القصيم
بحي الجامعه(المليدا) ببريدة
السلام عليكم ورحمة الله وبركاته
عندي استفسار عاااااااااااااااااااااااااااااااااااااااااجل
أنا خريجة قسم علوم ورياضيات من كلية التربية لاعداد معلمات المرحلة الابتدائية في بريدة
مالي نصيب من هالوظيفة ؟؟؟؟؟؟؟؟؟؟؟؟
تقديري جيد جدا .........
أفيدوووووووووووووووني
جزاكم الله خير
مع أني ماني متأكد 100%
الا أني اعتقد أن لكي نصيب كبيررررررررررررر بهذه الوظائف بناءا على الإعلان ... ولا يضر تكملين أوراقك وتودينها لهم
-صورة بطاقة العائله
- صوره من الشهادة
- صوره من حسن السيرة والسلوك (اذا توفرت)
- صور من التزكيات ( التوصيات) ... اذا توفرت
- صورة من السجل الأكاديمي ( كشف الدرجات )
- تقديم خطاب طلب عادي ... (( يذكر فيه طلب الرغبه بالإعادة ... وظيفة معيدة ))
لو سمحتوآ تقولون التقديم بمبنى الرجال
يعني يروح اخوي مثلآ يقدم لي
ولا كيييف بالظبط ؟؟
والله يجزآكم خير الله عنده خبر يفيييدن
ايه
اخوك يروح للمبنى الاداري بالجامعه _ عند شؤوون الموظفين
***التقديم عند الرجااااااااااااااال ****
ويعطيهم الملف خيتوو
دعواتك ِ
يروح أخوة او ابوة أو أي أحد ... ومعه
صوره من الشهادة
وصوره من بطاقة العائلة
وصورة من حسن السيرة والسلوك
وصورة من السجل الأكاديمي او كشف الدرجات (مانب متأكد من هذا ))
ويجيب الأصل للمطابقة .... لاتنسين الأصل ...
ويعبي طلب التقديم عندهم بكل يسر وسهوله ... وخلاص
طبعا التقديم بالدور السادس بالمبنى الرئيسي للجامعة بحي الجامعه(المليدا)... في ادارة شؤون الموظفين
وآخر يوم الإربعاء القادم .... استعجلي لايفوتك