مجموعة من الطلاب السعوديين بمدينة برزبن الاسترالية يشاركون في حملة التبرع بالدم

شارك مجموعة من الطلاب السعوديين في حملة التبرع بالدم والتي اقيمت في جامعة قريقث في مدينة برزبن الإسترالية, وأفاد رئيس جمعية الطلبة السعوديين في جامعة قريفث الأستاذ محمد بن عبدالرحمن القصير بأن هذه المشاركة تأتي ضمن أنشطة النادي السعودي في مدينة برزبن , حيث كانت الرغبة في التبرع بالدم تدور في خلد انس التركي وابرار السعيد منذ وصولهما إلى استراليا وجاءت المشاركة في الوقت المناسب لكي يشاركوا مع اخوانهم باسم الطلبة السعوديين في برزبن, فيما عبدالرحمن ونايف وسعد الاسمري كانوا سعداء بالمشاركة في هذه الحملة والتي تحمل معاني البر والإحسان إلى الغير بالإضافة إلى انها تعطي إنطباعاً حسن عن الطلبة السعوديين.
من جهة آخرى عبرت مسئولة العلاقة العامة في بنك الدم الإسترالي خلال اتصال هاتفي برئيس الجمعية عن شكرها للطلاب السعوديين بتنظيم هذه المبادرة وافادت بأنهم يتطلعون إلى ان يتجدد اللقاء بهم وتأمل في نفس الوقت بأن يحذوا الطلبة الدوليبن من الدول الآخر حذوا الطلبة السعوديين .
يذكر ان مدينة برزبن تعتبر ثالث اكبر مدنية في استراليا من حيث عدد السكان بعد سدني وملبورن ويقدر عدد سكان برزبن بحوالي المليونان نسمة وعدد الطلبة السعوديين ومرافقيهم يتجازو 1500
كفو والله وترجعون بالشهادت اللي تشرف
بس ماشوف محمد الطويرقي معكم شكله خلص ورجع للسعودية
والله انه من الشباب اللي يشرفون
وانا ماعرفه بس اتمنى اني اقابله
وهو اللي يقول يوم كان في استراليا
سلام يادولة هلا التوحيد وافين الشبور
سلام ياروس (ن) سلاطين الشعوب تهابها
يا آل السعود اللي لكم في ساحة الأمجاد دور
تشهد لكم مكة ومن جاها ومن صلى بها
يعيش أبو متعب حكيم الراي حلاّل الأمور
الحاكم اللي لاحكم شوره يحل صعابها
نهضة تقدم وازدهر عهده على مر العصور
من وقت ماضي ماعرفناها ولا عشنا بها
وفي عهده العلم ارتقى والجهل ولّى في دبور
سياسة اللي كل من خطط يحسب حسابها
سلام والفرحة لها ميعاد والليلة سرور
فرحة تخرج والفعول أفخر بها وأزهى بها
مبروك ونقدم تهانينا على باقة زهور
باسمي عن وجيه الرجال حضورها وغيابها
الجهل هدّام البيوت العامرة والعلم نور
يبني بيوت العز ويعزز جميع أبوابها
والمعرفة والعلم مايعنالها غير الصبور
واللي تعب مايقبل الهزلة ولا يرضى بها
وأنا هنا من منطلق فكري وميناء العبور
عشقت مقبال الهنوف ورمشها وأهدابها
الجادل اللي عذبتني بالتعالي والغرور
وياكيف تتغلى وأنا أبغاها وأنا خطاّبها
لو بيننا طالت مسافات الليالي والشهور
لأكبح هوى النفس الطموح ولا رضيت إلا بها
ماهي بلا مريم ولا نورة ولا سارة وحور
هي الشهادة والعلا نهجي وأنا طلاّبها
والله ليا الله راد وأكفاني من الناس الشرور
لأرقى لسلّمها وأسلم باليمين كتابها
قضت الاخبار ياعاجل
ناس تحب الترزز وانتم ماتصدقون تلقون شي تنشرونه. ولا من شان ولد عمه بالجريدة
ارقواء باسلوبكم لو سمحتوا ولا تراني احذف الجريده من المفضله
على القوة يا شباب عمل مشرف
الى الامام يا أبرار
كفو والله ياشباب والله يعطيكم العافية على هذه المشاركة
وهذا من محاسن الابتعاث
إظهار صورة السعوديين الصحيحة مهمه في هذه الايام ، سيروا على بركة الله ولا تلتفتوا للمهبطين
قال الشاعر:
الجهل هدّام البيوت العامرة والعلم نور
يبني بيوت العز ويعزز جميع أبوابها
بالتوفيق وترجعون سالمين غانمين