تهشيم الزجاج جديد اللصوص بعنيزة !

استمر السارقون بالعبث من جديد ففي حادثة تكشف نوعا متطورا من السرقات قام مجهولين أمس الجمعة بتهشيم زجاج مركبتين وسرقة مافيها من نقود وأشياء أخرى مستغلين انشغال أصحابها في ممارسة كرة القدم في احد الملاعب بطريق الحمراء.
وتأتي هذه السرقه امتداداً لدوامة السرقات التي استفحلت مؤخراً بعنيزة.
وقد تساءل المواطن صاحب السيارة كيف تمت السرقة والشارع حيوي ومكتظ بالمركبات؟ مطالباً بضرورة البحث عن اللصوص وإحالتهم للعدالة
لله درك يابدر الصراحة اهنيك على المتابعة والقدرة على تحليل المواقف فعلا تهشيم زجاج السيارات وسرقة مافيها اسلوب متطور في السرقة
أكاد اجزم ان هذه الطريقة لم تخطر على بال احد حتى
بديت اشك ان المافيا بدأو يدرسون عيالنا السرقات والطرق الحديثة فيها
قبل كل شي عسى الله يعوضك خير
ونشوف الأمن والأمان
وبالنسبة لكاتب المقال
لازم تكتب تهشيم الزجاج وليس تهميش
ابشك سيارتي انسرقت مرتين اتصلت ابلغ قالو لي جب السياره للقسم عشان يرفعون البصمات رحت للقسم انتظرت حدود الساعه والنص لين حضرت الضابط يصحى من نومه طويل العمر وساعه لين خذوا البصمات واخرتها قالوا لي رح خلاص احنا اذا صار شي نتصل عليك !!!! مع العلم انه المره الاولى الى يومك ماصار شي بخصوصها
لا ويوم طلبت منهم خطاب تبليغ او صوره منه على اساس اني من الصبح الساعه 7 وانا عندهم الين 9 وابي ورقه اني بلغت او اني الوقت هذا انا عندهم على اساس سرقة المسجل والاستبنه فورد
رد على الضابط سنع نفسك لا ويحاكيني من طرف خشمه جعله الكسر
( قسم السويدي الرياض ) انا ناقص سياره دافع فيها دم قلبي
تبون العلم الي يجمد على الشارب هالحثاله لو تعرف انه الدوله رأح تطبق الشرع ماسوا كذا ولكن هذي هو نهاية الدلع وحب الخشوم.....
والله العظيم لو نهتم مثل أهتمام الارهاب كان الامن ماضع ولكن كل يوم الامن بالسعوديه في انحدار والوقع أكبر دليل
الله بعوض عليك ويقولون ( المال السايب يعلم السرقه ) المفترض وضعمكان خاص في الملاعب ليتم تعليق الثياب فيه ولكن ثوب وربما بوك وجوال وواضح في السيارة لا اقول شي طبيعي ان تكسر الزجاج ولكن هذا الزمان تجراء ضعاف النفوس علىذلك مع الاسف .
انصح جميع الشباب بعدم ترك اي شي واضح في السيارة ثوب جيكيت وغير ذلك أو اقل شي خلها في مكان مخفي بالشنطه مثلا .
هذا رأيي بالموضوع مع احترامي لرآي الجميع
يامحمد العلي هههههههههههههههه بدر يقصد كيف جت الجرآة عليهم يكسرون زجاج السيارة والشارع الى امام المعلب معروف شارع عام ولا يكاد يخلو من المارة فكيف يصير الشئ هذا ولا من شاف ولا من درى فهمت ياحلووو
الله يعوض عليهم بس عندي مقوله قبل شوي صلاه الضهر في بريده صليت قي مسجد محطه القناه وصاحب السياره داخل يصلي مخلي جوالين في السياره جوال ان 95والثاني ايفن قيمتهن حوالي 4000ريال ياخي صاحب السياره هو المتسبب
الصراحه المفترض يشاف حل جذري لمسأله السرقات التي كل يوم وحنا نسمع خبر عن سرقه
الله امنا في اوطاننا
ياعزيزي اول شي اسئل السارق قله وشلون عرفت ان السياره هاذي فيها نقود ؟
ليش عرفت ان السياره هاذي فيها نقود من بين كل السيارات ,,, هاذا يدل على اهمال صاحب السياره
السرقة بالقصيم تفشت بشكل لا يمكن السكوت عنه حيث اصبحت علنيه وعيني عينك دون خوف ولا وجل ولا خوف اصبحت حديث المجالس وقلق العامه والخاصه ومحل تساؤل اين الاماره عن هذه الظاهره المقلقه ماذا عملت من اجل قطع دابر الحراميه التي باتت عصابات منظمه تحتاج الى دراسة مستفيضه لحربها والقضاء عليها ولسنا عاجزين لاننا حاربنا الارهاب بكل اقتدار فالنحول الجهود المعطله للامن لان هذا ارهاب ايضا اننا دلئما نتسائل ما دور الامير ونائبه وهو يعتبر حاكم اداري للمنطقه تقع عليه مسؤولية توفير الامن للمنطقه ومحاسبة المقصرين ومتابعة اخبار المنطقه وما يحصل فيها حسب الاولويه ولا اولى من الامن واستامان المواكن على عرضه وشرفه وماله ونفسه والا مع احترامي لترحل ولتاتي اداره اخرى
قص اليد مثل ما شرع الله هو الحل
غير كذا السرقات تزايد
اعتقد هذا انسب وقت لكلمة القائل (السيف الاملح )
حقيقة يحز في صدر كل مواطن غيور على وطنه الذي يحصل هذة الايام ...سرقات في وضح النار ...ولااحد يحرك ساكنا ...ولكن ولكن تحتها الف خط ....................
نجد نقاط التفتيش منتشرة بكل مكان لجباية ما تبقى من رصيد المواطن الضعيف .. ليس كذلك فحسب بل نقاط بكل دقة وإحترازية بالعمل وتطبيق النظام على متمة ........... .يا لأسفي على الوضع يا للأسف ...وضع يحمل الكثير من علامات الإستفهام ..والتعجب ..
................................................
فضفضة مواطن
وانا والله يو الاربعاء وفي نفس الاسبوع الذي سرق فيه صاحب هذه السياره وبنفس الطريقه كسرة زجاجة السياره وسرق ثلاث جوالات بس ما اقول الا الله يهديه ويصلحه
احترامي للحرامي .
الا الأمام ياحرامي .
لو كان موظف ، او يصرف له مرتب يسد حاجته لما سرق ،
لو يضاف جميع العاطلين الى المستفيدين للضمان الأجتماعي،
بعد تحديث بيانات المستفيدين ، خاصة وانه اتضح ان تجار واكاديميين
يستلمون مخصصات الضمان الأجتماعي ، والفصل لكل موظف او
النقل التاديبي إذا اتضح ان له دور في تمرير مثل هذه الحالات ،
تجار واكاديميين ، والمحتاجين لا يصرف لهم ،من اين يصرفون ،
قد لا يسرقوا إذا وجدوا ما يسد حاجتهم حتى لو كان 2000 ريال شهري ،
إذا كان هناك صعوبة في تخصيص صرف مرتبات لهم . وسوف تقل السرقات
بأنواعها ان شاء الله .
ياخوك وكل أمرك لله سبحانه وتعالى
واللي يسرقك أدع عليه بين الاذان والاقامة وبسجودك أن ربي يشل كل اعضاءه
ويخليه عبره لغيره
انا انسرقت الاستبنه وشنطه العدة امس الصبح وطبعا كسر القزاز الكلب
بس مافيه حق يضيع لنا كلها عند ربنا وبيجي حسابها
والدوريات لما بلغت 5 دقايق وجأ عندي رئيس رقباء ورقيب اول وجنود
وكلها 5 دوريات ولافيه فايدة ويكفي اني قلت هنا مافيه تطبيق حكم شرع
لو فيه ويقصوا له يده وربي ماكان نشوف هالسرق والظلم
صح العسكر مالهم ذنب بس وربي حرام اللي يصير كذا
اقلها لو يحطوا كميرات مراقبه
ربي ينصر المظلوم ويظهر لكل حق حقه اللهم أمين , اللهم أمين , اللهم أمين
ديره ملوكهآ بخير ونعمه وحمآية
وشعبهآ بقرررريححح
جوع وظلم وغبن من الحرآميه ومن العساكر