استمرارا لتدفق الأسلوب الإجرامي... 4 شقق ببريدة تتعرض للسرقة في ليلة واحدة..!!

كشف مصدر موثوق لصحيفة (عاجل) عن تعرض أربع شقق ببريدة لحوادث سرقة في ليلة واحدة حيث أكد المصدر أن الشقق تقع خلف مبنى الجوازات بمدينة بريدة وقد تم سرقة ما بداخلهن خلال ساعتين فقط من ليل الجمعة أمس ..!!
وكانت أحياء جنوب مدينة بريدة قد تعرضت ولاتزال لحوادث سرقة وصلت لعشر منازل في يوم واحد كما هو الحال بشمال المدينة الذي أصبح مسرحا آخر للسرقات المتتالية في ظل استسلام تام من الجهات المعنية والتي تتقاذف المسؤولية فيما المواطن يرزح تحت وطأة الإجرام والسرقة والتي تخطت حاجز الممتلكات لتصل للترويع وإشهار السلاح بأنواعه..!!
وش الجديد
خالي قبل اسبوع منسرق بيته بالرياض ..
الله لايوفقهم ..
سرقو ذهب حرمته وبناته وسرقو 20 الف ..
المشكله الرجال ماكمل يوم متسلف ال20 الف ..
شكلهم مراقبينه عيال الحرام
لا والله اللي رحنا فيها ......... هذا وأنا ناوي أستاجر في بريدة
لاحول ولاقوة الا بالله
الغريب الذهب اين يباع الا يوجد مراقبه على محلات الذهب .
حاميها حراميها
العسكر وراء كل البلاوي
أقول : والله أن الأمور نجسه !! الله يستر بس لايدجي يوم أردى من هذا تشوف الجثث بالشوارع !! اللهم الطف بنا يارب .(؟) (؟) (؟) (؟)
الله يعين بس ويستر علينا هذي شبكة كامله والله مهب حرامي واحد ولا 2 ولا عشره
اتوقع والظاهر انهم فوق ال30 شخص اذا قلنا اثنين يدخلون البيت واحد يشوف الشارع جا احد ولا لا وسرقة 10 منازل يوم الاربعاء تؤكد كلامي وسرقت المنازل
بساعه واحده يعني مهب طيارات بيسرقون عشر بيوت وهم 4ولا 5 بساعه وحده
وتساهل عسكر الدوريات بالمربعات المحدده لهم مشكلة وسوف يذهبون للحج وتزيد البلاوي علينا قبل اسبوعين بحارتنا سرقت منزلين بساعه وحده الساعه 10 ونص !!!!
والعاقل يفهم تراهم عصابه وحده والله يستر من الجاي لو يكثفون العناصر المراقبه على عسكر الدوريات والتكثيف المباحث بالحواري وتأديب اللصوص بأنظمه صارمه لم يسرقون والله لو طبق مافي القرأن الكريم وقطعت يد واحد فقط لم يسرق احد
لكن مانقول الا الله يعين
والسلام عليكم
السرقات السبب كله هالتهاون من قبل الشرطة المباحث هيئة التحقيق والادعاء العام , انا انسرق بيتي قبل فتره والحرامي مسكناه تخيل يقول لازم الي ماسكينه الشرطة او المباحث وشلون نكتشف انه هو الحرامي , المشكلة الى هالدرجة قمه الغباء المشكلة اكلم ظابط اقولة ليش ماتحقق معهم يقول اخاف على هالنجمات الي على كتوفي ( حقوق الانسان ) يعني لا حياة لمن تنادي وياقلب لا تحزن والمشكلة ماخذين البصمات وربي قمة الغباء للأسف
ياجمااااعه ابواب البيت لازم تكوون مفتووحه عشان يدخلون الحرامية مرتاحين ولا يكسرون يعني سالفه (طاش ماطاش ) وفي يوم 25 ترسل للحرامي رساله الراتب نازل الصرافه في اي وقت تجي تاخذ البطاقة انا تحت امرك ولا تعب نفسك اقدر احولة على حسابك
تحيآتي للحرآمي....
غريبة سرقة مو معقولة ،،،
اكيد يمزح الكاتب انا مو مصدق؟؟؟؟؟؟؟؟؟؟؟؟؟؟؟؟؟؟؟؟؟
عدد أفراد الشرطة في بريدة يكفي ل 90،000 مواطن بينما العدد الفعلي لسكانها حسب آخر إحصائية 600،000 ، ومعنى ذلك أنه يجب مضاعفة عدد الأفراد 7 مرات ليتمكنوا من أداء واجبهم .
ايه لو هم أرهابيين كانو طلعوهم من تحت الاراض ، بس ما دام حليهم على المواطن ما فيه مشكله..
ولكن لدي سؤال ،، لا صار ما فيه عقاب رادع لمثل هولاء الحرمية ،، وش بيصير مثلا لو أشوف حرامي طاب في بيتي ومن ثم أقوم واحش رجليه وأكمل على رقبته
تطير رقبتي والا لا ،، أو ينظر في أمري مثل ما ينظر في أمور هالمجرمين
سؤال ينتظر الاجابه !!
لم نسمع اى تصريح للشرطه ؛؛؛؛؛؛؛؛
يمكن ماعندهم خبر عن سرقة المنازل لن المعامله لاتزال بمركز الشرطه ولم تحول بعد ؟
وين الي يقولون الطايف والطايف هذي بريدتكم ياقصمان صارت كاراكاس الجزيرة
اعتقد بان السبب وراء هذه السرقات هو اهمال افراد الدوريات
في السابق عندما تدخل اي حارة من بعد الساعه 12 تجد على الاقل دوريتين بنفس الحاره وتستوقف اي سياره للتاكد منه .
الحين مع الاسف قليل تشاهد دورية داخل الحارات
المحزن بان الكثير من افراد الدوريات يتركون مواقعهم ويذهبون لاقرب مكان منعزل
وتجتمع اكثر من دورية ويقلبون الاستلام ضحك وقهاوي وبلوت ويتركون الامانة الموكله لهم
هل هو عدم ادراك للمسؤولية ام اهمال من ظباط الورديات .
هل تصدق بان عدد الدوريات في الوردية الواحده ببريدة هو 14 دورية وعدد الحارات ببريدة اكاد اجزم بانها اكثر من 35 حاره .
هل تصدق ان مربع يمتد من أشارة هرفي في حي الفاخريه الى دوار الهدية الى خضيراء الى مفرق الشفاء ثم مخطط الكورنيش الى طريق عنيزة والذهاب يمين بتجاه دور النجر سابقا ثم الاتجاه يمين الى حي السلام الى اشارة هرفي بحي الفاخريه بداية المربع
يوجد بهذا المربع دورية واحد فقط
كم حاره بهذا المربع وكم بيت بهذا المربع هل تستطيع دورية واحده فقط ان تقوم بكامل واجباتها في هذا المربع ؟؟؟؟؟؟؟؟؟
وزيادة على هذا ان اكثر السارقين يعرفون اوقات الاستلام والتسليم ويعرف بان بداية الاستلام ونهاية الاستلام اغلب الدوريات لاتتواجد في نفس موقعها اول ساعه من الاستلام واخر ساعه .
اذا اردتو ان تقللو عدد السرقات عليكم بالمطالبة بزيادة عدد الدوريات والتشديد على الافراد ومكأفاة الافراد على مايقدموه في حال القبض على سارق وان لاتكون المكأفاة للظابط .
الله المستعان نسأل الله أن ينتقم منهم ويُوقظ ضمير المسؤلين عن أمن المواطن والمُقيم
في كُل مناط المملكة بصفه عامة وبريدة بصفة خاصة اللهم آمين
حاميها حراميها
حاميها حراميها
حاميها حراميها
انا أشك بقدرة جهاز الامن على ضبط الامن ...ربما هو جهاز مخترق و الخونة يغطون على بعض
أنا بيتي عند الإستخبارات في الريان وانسرق الخميس وما جابو خبر
الإستخبارات ما درو
والحرامية آمنين ...........................
ولا حول ولا قوة الابالله العلي العظيم
بالنسبة اللي يسأل عن الذهب
انا شفت بأم عيني بعنيزة اصحاب المحلات ( يمنا او شغالين بالراتب هكرة)
يشترون من بنقالة ولما سألت صاحب المحل (يمني ) ليش تشترون من البنقالة منين جابو الذهب اصفر وجهه وقال ما اشترينا منهم
صورة مع التحية لمحفظة عنيز
صورة مع التحية لشرطة عنيزة
ومثلة صاير ببريدة
ورددد
من امن العقوبه اساء الادب لوطبق حد الله فيهم شوفو النتيجه
لو بيشوف ذهب بالطريق ولاحوله احد لم يتجراء ان ياخذه .
سلمولي على ريس الشرطة
وقولوله لابد من كمين
يدورون الحارة الي حول الحواير الي انسرقة
ويطلعون السكانين كانهم مسافرين هالخميس والجمعة يعني يطلعون 5 او 7 عوائل
ويراقبون البيوت وان شاء الله يكفشونهم
ماشاء الله
من بعد رمضان وحنا كأننا في بغداد السرقه انتشرت و ...............؟ انتشرت الأمن
انفلت وكل حاجه صايعه ضايعه
وكل حاجه انتشرت
من المسؤل هل الوم على العسكري او مسؤل الورديه ام قائد الدوريات الامنيه
او امير المنطقه ام من الحكومه نفسها
بعد اقل من 5 سنوات تذكرو كلامي القتل با الشوارع زي السرقه
هذا ريع التربية عندكم يا اهل بريدة
ابنائكم لا يعقبون من الاهل او المدرسة في السلوك الغير سويئ
لله دركم يا اهل الجوف مشكل وغنجرية وابناء نواعم معدومة عندكم ياليت يجي اليوم اللي ارجع فيه الى اهل العز والكرامة والرجوله
اول سنه خدمة فيها بالجوف في مدرسة فياض طبرجل انعم واكرم بهم من رجال
حسبي الله عليهم سرقو بيت اختي الله لايوفقهم وين الشرطه عنهم والا صدق الي قال حاميها حراميها هاذولا ماراح يتركونا بحالنا لمين يطبق الشرع عليهم بان السارق تقطع يده امام الناس لتكون عظه وعبره لهولاء
بدت تطلع فضايح القصيم
وشهولوه يحبيبي
الله يحمانا وذرارينا هانت السرقة من تالي
ياناس اصحو الافارقه كثرت فى بريده شوفو جده ورياض المصايب الى من وراهم السود هذولاا عايشين على السرق وين المسؤلين هذا تخاذل من الجهات الامنيه وفى خيانه لاابد لهم مراقب او شريك معهم وين دور المباحث والشرطه معقوله هذا الكلام شي مايصدق ليه الدوريات في بريده قليله
عااااادي مافيه مشكله خلهم يترزقون الله هالمساكين ...احسن من انهم يبيعون مخدرات على اعيالنا ويضيعونهم خلهم يسرقون من وين ياكلون ويتوضفون ويعيشون مساكين ...الدوريات يتسدحون بين الاثل ومضللين هالجيوب مايشوف ولا الي تحت رجليه ومايقدر يوقف احد الا بأذن والهباش مرررر عليه زمن وكبر ماعاد ينفع هالشايب ...والمال السايب يعلم السرقه
يا صريح خف ربك تضلم العسكري اذا كان الانسان مايربي عياله ولكن اتمنى من
وزارة الداخليه التحقيق معك في اتهامك للعسكر لكي تعترف اذا انت تعرف احد
او من فراغ تتكلم اتق الله في نفسك العسكر هم حماة الوطن
ياصريح بسالك سؤال
انت اذا جيت تقطع اشاره بتقطعه ودوريه المرور بجنبك
او بتقطعه وانت تتلفت يمين ويسار
اولا المسروق بيت وش تبون يحطون لكم عسكري داخل بيتكم اذا طلعتم
ولا العسكري معه مارد يدري اذا البيت داخله احد
ثاني شي اللي بيسرق راح يجهز نفسه بكل سي ولا هو لوحده معه مجموعه
مراقبه ولاتنسون حنا بعصر التكنلوجيا والجوال كفيل بذلك
والوريات ماتقصر تبعد التجمعات لاكن انتم امسكو عيالكم اللي موذين الناس
بالدوران والتفحيط هم اللي يسرقون السيارات والبيوت لكي يؤمنون سياراتهم
لتفحيط البلا فيكم ياهل بريده واللي ينكر اخر الليل رحو لشارع القناة والفاخريات
والنهضه
وقفو واسطاتكم
خير ياطير وش الغريب بالخبر كل العالم مسروقين وبعدين وش تبي الشرطة يسوون لهم حتى لو امسكو الحرامي هيئة التحيق بطلعة واذا هيئة التحقيق ماطلعته المحكمة راح تعطيه حكم مخفف هذا اذا حكمو عليه وحتى لو حكمو عليه حكم قوي العفو جايه بالطريق يعني بالعربي خل الحرامي يسرق ويروح بحال سبيله ويادار مادخلك شر
الله المستعان
السلام عليكم ورحمه الله وبركاته
انا من منسوبي الأمن العام بمنطقه القصيم الدوريات الامنيه
هل تعلم اخي المواطن ان امن بريده بأكملها 25 دوريه
نعم اقولها با الحقيقه 25 دوريه
فهل هذا يكفي لأمن مدينه لا لا والف لا
ولو طبق الشرع بحذافيره لكتفينا ب10 سيارات
القصور من الدوريات الامنية
في السابق كانت الدوريات عملها داخل الاحياء و الان لا عملها في الشوارع الرئيسية
فقط وكذلك فيه قله في العدد
الله يحفظنا ويامن روعاتنا ....
يجب ان يتحمل السرقه فرع الشرطه التابع له الحي و التحقيق معهم واين كانو خلال ذلك الوقت
و حرمانهم من العلاوه السنويه و تاديب مدير الفرع و يجب ان يتجول بالاحياء التابعه له و التحقق من الدوريات هل قامت بواجبها او كما العاده عند دوراة مياه المساجد؟؟؟؟
يجب ان يتحمل السرقه فرع الشرطه التابع له الحي و التحقيق معهم واين كانو خلال ذلك الوقت
و حرمانهم من العلاوه السنويه و تاديب مدير الفرع و يجب ان يتجول بالاحياء التابعه له و التحقق من الدوريات هل قامت بواجبها او كما العاده عند دوراة مياه المساجد؟؟؟؟
بريدةةةةةةةةةةةةةةةةةةةةة
لم تتغير حالها منذ 1412 حتى اليوم ولان تتغير حالها الى ..................
الذكي من اليوم ورايح مايترك ذهب ولافلوس في البيت واذا طلع لمشوار يترك باب البيت مفتوح علشان مايكسر ولاتخسر شي
من امن العقوبة اساء الادب
الله يرحم الملك فيصل
كان يطبق الحد على من كان ولد فلان ولا ولد فلان الحموله
لا الحين اذا سرق احد قالو هذا ولد فلان الي يقرب له مدير الدائره الفلانيه او المحكمه الفلانيه
صعبه يقام عليه الحد
العسكر يحرصون سيارة ساهر
الأمن مشغول بحمايه
ساهر
مع التحية
الله يكفينا الشر البطاله ياخوان نقممه على الشعوب اما بالنسبه الي امسمي نفسه صريح ويسب العسكر والله لو مالعسكر ماتنام في بيتك واتق الله وتراك محاسب على كلامك مابق الا انتم تنتقدون العسكر الي يسهرون عليكم وانتم بالقهاوي والاستراحات
حسبي الله عليهم سرقو الله لايوفقهم وين الشرطه عنهم والا صدق الي قال حاميها حراميها هاذولا ماراح يتركونا بحالنا لمين يطبق الشرع عليهم بان السارق تقطع يده امام الناس لتكون عظه وعبره لهولاء لكن اقطعو يد شوفوا وش يصاير
حسبي الله ونعم الوكيل
اتمنى من امير القصيم ان يطلب اجتماع عاجل مع مدير الشرطة ومع اللواء خالدالطيب اواللواء عبدالقادر طلحت للاستفادة من خبراتهم في هذه القضايا
فهم ادرى بالقصيم وليس عيب ان تتعلم وتستفيد من الي سبقوك
مومن رمضان شهر 4الماضي بيتي انسرق حسبي الله عليهم اليتكلم عن الطائف على الاقل الطائف رجال في الوجه مو زي بزرين بريده