قصيدة “رسول الشوق” للشاعرة رواسي بنت الهيلا

لحونك يااعذب الاصوات زادتتي ألم وشجون
نقضت الجرح في روحٍ عظيم الشوق ساعرها
••••
رسول الشوق وصل له خوافي صدري المكنون
على سكة غرامه هلّت عيوني عبايرها
••••
جفا قلبي وقلبي في غرامه ذايب ٍ مفتون
خذاه الوقت وظروف الزمن صعبٍ مسايرها
••••
أضم الذكريات إليا طرى لي طيفه الميمون
بقايا العطر والصوره وحكايا القلب قابرها
••••
ألا يالبعد ردّه لي يكّفيني حزن وطعون
تعبت ألوّح .. وروحي تشكّى من خسايرها
••••
زمانٍ فات ياليته يعود ويضحك المحزون
يخبي دمعةٍ بالعين .. خوف اللوم حاسرها
••••
على سكة غرامه تاهات الخطوة وضاق الكون
تصيح الروح ترجي عودته والياس كاسرها
••••
قضيت الوقت في ذكراه صايبني عليه ظنون
تسامرني نجوم الليل من شوقي و اسامرها
••••
تمنينا على طول العمر نبقى هدب وجفون
عيون الحب تحمينا وكل العشق عامرها
••••
فمان الله ياحبٍ عظيم بخافقي مدفون
فمان الله ياجروح الحشا لو كنت ذاكرها..!!؟
••••
رواسي بنت الهيلا