قصيدة "غيب الايام" للشاعرعبدالله بن علوه

يا وجود اللي من العام تكويه الهموم
فاقد خيرة ربوعه وذخره واسنده
كل عصر يزيد همه ويرقا في الرجوم
ويتوجد قل صبره وعزمه واجهده
اشغل التفكير باله وصابه قل نوووم
بينه وبين الهواجيس قومه واقعده
يستعيد الذاكره كل ليل وكل يوم
ويدري انه فاقد درع جنبه واسعده
جعل ربي ما يعيد المفارق والعلوم
ضيقت بال المعنا وضاق به ابلده
وان تلفت في مكانه لقا بعض الرسوم
ذكرته بفقد الاحباب والحزن اقصده
ملحق دنياه مما لقا عشرين لوم
بعد ما ذاق المفارق وحده وظهده
حلم في حلم رقابه ع روس النجوم
واجتهد ياصل مراده بجهده واطرده
طامع في راس قوم كما ضلع زحوم
نادر واليا زهمته على الموت أورده
وده بقرب أبلج الوجه جلاي الهموم
لكن المكتوب عما يريده يبعده
حكمة اللي ينزل الغيث ويسوق الغيوم
رافع سبع السموت من دون اعمده
والامل في خوة اللي يسدون اللزوم
الكرام اللي تحب الوفاء وتمجده
والحظيظ اللي يخالف مناهيج الرخوم
مخلفة صدق المواعيد بكره وابعده
يجتهد في خوة اللي عزايمهم تهوم
اخوياء ميلات بقعاء وللطيب اجنده
لان خوة بعض الأصحاب لايمكن تدوم
من بناها على المصالح تكون مهدده
المهم ان غيب الايام مخلفة الحلوم
وعزتي للي غد الحظ ضده واحسده
عبدالله بن علوه الحبابي