مرثية الشاعر سعيد ابن عمر في الشيخ شايع بن طمسان ابن عادي "رحمه الله"

مرحوم يا شيخ( ن ) عزيز( ن )فقدناه=الشيخ ابن عادي رفيع المقامي
الشيخ ابو حبران شايع عرفناه =شيخ( ن ) على كسب الوفا ما يلامي
ياكبر مقداره ويا قل عجفاه=واسمه كبير( ن ) من كبار الاسامي
غيث( ن )على ربعه وضيفه ومن جاه=عقيد قومه في الرخا والزحامي
فقيد ربع( ن ) للمعالي مضراه=اولاد عادي محتمين الجهامي
وصبيان ابن جربوع وافين و غلاه=عاداتهم كسب الثنا بالتمامي
يالله عسى الجنه مقره ومثواه=بجاه من بيده حياة الانامي
وعسى المزون المردفات المنشاه=تمطر على قبره ثمانين عامي
وحنا عزانا بالسيوف المحناه=جبران واخوانه رجال( ن ) كرامي
اشبال ليث( ن) للعوايد مرباه=سيوف هند( ن ) ضدها للعدامي
الشاعر / سعيد بن سعد بن عمر