أنه الزمالك يا سادة !.

هَل تعلم ياريس ( معاك طول الخط ) بعد الحصول على كاس السوبر لاول مره الزمالك يخسر4 مباريات متتاليه دون احراز اي هدف من عام 67 .. وكلمة حق الفريق لايستحق الهزيمه لكن فيه سوء حظ ملازم الزمالك ليه مش عارف ؟.. ومن تبعات الخسائر اصابت لاعبي الفريق أزمة ثقه مش عارف هل هي لعنة السوبر ؟ .. وحضرتك تتهم السحر والحكام بأنهم سبب الخسارة على العموم اوضاع النادي ياريس ماتسرش لا عدو والحبيب بعد ان أصبحت المشاكل تعصف بالنادي ابتداء من اهانة رموز النادى ودوّل خط أحمر وكما قال رمز الزمالك الراحل محمد حسن حلمى زامورا " مكانة نادي الزمالك أكبر وأعظم من أي شخص مهما بلغت رفعة منصبه " .. وغير كدا اختلفت مع الصحفيين و الاعلاميين ودخلت بحروب مع محبي الزمالك بعد ما كانت للزمالك درع وسيف (فرحنا فيه ) ولكن للأسف وجهتهم على جماهير ( الصابرة ) و مشجعي النادى .. وعلى المستوي الرياضي بالنادي دمرت الألعاب الجماعية وقبل ما تفكر ياريس هل تعلم ان الأهلى أكتسح كل الألعاب واخد بطولات أفريقيا فى اليد و الطائرة و السلة بعد ما كنّا اسياد افريقيا .. اهدى بقى واعمل حاجة صح ياريس ( واللهي بحبك ) وابعد عن الفرقه وسيب الناس تشتغل فهدوء كفايا الفوضى التى تمت فعهدك داخل كل الالعاب الجماعيه واولها معبودة الجماهير .. أرحمنا ياريس ( حافظ على محبتك بقلوبنا ) علشان ربنا يرحمك وسيب الزمالك الفاشل وريحنا و هنشوف الزمالك هيبقى عامل ازاى فى عدم وجود حضرتك .. وبصفتى مشجع لنادى الزمالك و بالنيابة عن نفسى و ليس عن كل الجمهور الذى يقدر بالملايين أحب أن أشكرك ( حبيبي ياريس ) على ما فعلته بالنادى من نهضة انشائية و تدعيم الفريق باللاعبين المميزين وسط منافسة مع الغريم التقليدى ( كل شي له نهاية ) .. وقبل الختام أعيد لحضراتكم تصريح العندليب عبد الحليم علي الذى قال : " اللي مش عارف قيمة نادي الزمالك وتاريخه ياريت ميدحلش النادي تاني ومش اللاعيبه الحاليين بس حتي اللاعيبة اللي اعتزلت وبعيده عن النادي اللي مش عارف يعني ايه الزمالك ياريت ميدخلش النادي ده تاني " .. وأختم الزمالك بالنسبه لينا وطن و لكل جواد كبوة وان شاء الله أزمة وهتعدي واحنا وراه من 1911 وسنظل علي العهد حتي آخر يوم في عمرنا عاش الزمالك وعاش حبه في قلبي لانه احلى حاجه بمصر .. ولا تجادلني في عشقي الزمالك اذهب واعشق من تشاء اما أنا زملكاوي للأبد والسلام عليكم .