أزين المواقع

خدمات

جعرانة من أزين المواقع الإسلامية المهمة واللي يجيها ألوف الحجاج والمعتمرون في كل سنة وكلهم يجونها عشان يشوفون مسجدها الشامخ اللي زي ماتقول الحكايات القديمة والروايات الإسلامية إن الرسول صلى فيه صلى الله عليه وسلم، وزع عنده غنائم معركة حنين يوم رجع عقب المعركة، وأكيد فيه ناس (مزورين) «1» من اللي يزورون الجعرانة مايعرفون أن جعرانة حي أهله يتفاخرون يوم حظهم زان «2» وعاشوا جانب هذا المسجد ويسعدون ويفرحون بتقديم الخدمات إلى الزوار والمعتمرين، بس إنهم لازالوا يتحرون «3» من الجهات المعنية أنها تنظر في الكثير من مطالبهم وأللي ماوقفت عند مخالفات العمال الوافدين وأللي انتشروا في الجبال القصيا «4» والموالية «5» ويشتغلون في الحي وعند المسجد وبضايعهم منتهي تاريخها ونقص الخدمات لا أبدا مطالبهم مع تطور العالم ونهضة المملكة تعدت ذيك «6» الأمور كلها إلى أهمية تطوير (الصحية) أي المستوصف.
كما يقول البادية الجانب الصحي وهو اللي يهم الناس فالجعرانة، وكل يوم تشرق الشمس فيه يقولون متى نشوف محل للإسعاف حق الهلال الأحمر واللي يبا الصدق الإسعاف والمطافي مشغلة كل ربوعنا «7» في الجعرانة والقوبعية عشان كثرة الحوادث اللي تحصل في طريق جعرانة وطريق القوبعية بوادي بني عمير خلتنا وخلت كل أهلنا وربوعنا يطالبون بذيك المطالب المهمة وأكيد فيه ناس واجد «8» لو نشدتهم «9»عن جعرانة ماغير يعرف المسجد بس! بس اليوم في«عكاظ» نبا نقول للي يقرأ الجريدة أن جعرانة صدق مسجد وحوله مجموعة من المحلات التجارية بس ترى الجعرانة فيه سكان ولهم احتياجات زي «10» كل الناس اللي في المملكة والجعرانة يسكنه 50 ألف نسمة هذولي غير اللى في القوبعية إللي في وادي بني عمير ورى المسجد وكلهم يتحرون التطور اللي يقوله أمير مكة المكرمة صاحب السمو الملكي الأمير خالد الفيصل والسكان ماعندهم شك إن الأمير وفي وقت رعاية خادم الحرمين الشريفين لكل عياله من الشعب إنه يبا يتأخر في تنفيذ كل أللي نبغاه من تطور ونهضة والسلام خير ختام.
«1» كثيرين «2» جميل «3» ينتظرون «4» البعيدة «5» القريبة «6» تلك «7» أهلنا «8» كثير «9» سألتهم «10» مثل.