رمز الشهامة

سلامتك ياللي بالارواح نفداك
يا رمز للطيبه ورمز الشهامه
في غيبتك عنا كثير افتقدناك
دموعنا تدعي تجي بالسلامه
حنا يا بو متعب معك ما نسيناك
يا اغلى ملك يحيطنا باهتمامه
ليت الألم فينا نشيله ولا جاك
وتحيا حياتك ما تذوق الندامه
شعب زرعت بذور صدقه بيمناك
يعاهدك يوفي معاك التزامه
من شرقه لغربه على الحق والاك
ومن الشمال لنجد لاخر تهامه
الله رفع قدرك عن الناس واعلاك
ان حب ربي شخص يرفع مقامه
يسلم لسان اللي على الطير سماك
صقر العروبه صار لاسمك علامه
ياللي عيوبك كلها اطهر مزاياك
يا فارضن في هالوجود احترامه
ياللي نقشت الحب في قلب اغلاك
حتى عجز عن وصفك اجزل كلامه
يا نبضنا الغالي ترى ما وفيناك
يا سيد الخافق ويا اسمى غرامه
سلامتك والشر مر وتخطاك
وعساه ما يرجع ليوم القيامه
ضي الفكر