ساعي البريد

يا رونق الشعر مدري يا جزال القصيد
نبحث عن الصعب وندور بيوتٍ جزال
نبحث عن الشرد اللي ما كتبها البليد
ندور الندر الجزلات لا جاء مجال
الشعر له وقت ياتي لك رفيقٍ عضيد
ويهيض اللي بوسط الصدر في كل حال
مره تضيق السعه والقلب عيا يهيد
ومره أعيش الحقيقه مثل عالم خيال
ومرات أقاوم حياتي مثل موجٍ شديد
ومرات أدور على الوحده وأعيش ابتهال
صدري مداهليه الضيقه من اية بديد
ويضيقبي الكون من شيل الحمول الثقال
وأعيش الأحلام وأنا في قفص من حديد
علمني الوقت ميلات الزمن واحتلال
عشت الحقيقه وجافاني قريب وبعيد
وأعرف تراحيب صدق الناس ما به جدال
عشنا الحياه نتجول مثل ساع البريد
على حدود الجنوب ومرةٍٍ بالشمال
الحر عايش حياته بالمعزة وحيد
مهمه البعد ياصل لا بغى كل جال
بعض العرب لاحضر للعرف رايه سديد
تفرق مخاليق خلق الله وقار وكمال
فعل المراجل يبيله صاملية وأكيد
ما هو كلامٍ يردد للجواب وسؤال
اللي كسب للمواقف يغتنمها رصيد
يا طيب النفس يرخص كل غالي ومال
رجلٍ عليه الثناء والنعم هو الفريد
اللى يشيد بذكره بين كل الرجال
يا رونق الشعر مدري ياجديد القصيد
هاضة قريحه وجابت من خفاوى الجزال